ŞIRNEX (DÎHA) 

Hevserokê Giştî yê HDP'ê Selahattîn Demîrtaş di civîna koma partiya xwe ya li Hezexê de axivî û têkildarî rewşa dawî de wiha got: "Gelê me ne ji ber ku ji AKP'ê ditirse, ne ji ber ji cenderme, polîsan ditirse aşitiyê dixwaze. Ji ber ji wekheviya gelan bawer dikin dixwazin. Gelên li rojavayê Tirkiyeyê dijîn, eger em îro ji bo Cizîrê bêdeng bimînin dê ev agir her derî her kesî bişewitîn e. Qet nebêjin li vir Cizîr bişewite dê gelê li Bodrumê bi aramî bijîn. Lewra Bodrûm ji Cizîrê pir ne dûr e. Tiştên li Suriye û Iraqê hatin jiyandin wiha dest pê kir. Tirkiye jî nêzî vê ye. Vaye em ev 3 roje ne tenê ji bo Cizîrê ketine rê, ji bo hemû Tirkiyeyê ya li ber felaketê ye derketin rê." 

Heyeta HDP'ê ku ev 3 roj in ji bo li navçeya Cizîrê ya Şirnexê ya 8 rojin OHAL lê heye civîna koma xwe pêk bîne ketiye rê, li Hezexê civîna xwe pêk anî. Civîna komê ku Hevserokên Giştî ya HDP'ê Fîgen Yuksekdag û Selahattîn Demîrtaş, wezîrên HDP'ê, parlementer, gelek endamên partî û gelê Hezexê beşdar bûn li Navenda Çanda Hezexê pêk hat. Dema hevserokên Giştî yên HDP'ê ketin li salonê dirûşmeyên "Bijî Serok Apo", "Bijî berxwedana Cizîrê" hatin berzkirin. 

Di civîna komê de Hevserokê Giştî yê HDP'ê Selahattîn Demîrtaş axivî û axaftina xwe bi silavkirina gel dest pêk kir û diyar kir ku ew 3 rojin ji bo civîna xwe li Cizîrê bikin ketine rê lê dev ji civînê berde nikarin bikevin Cizîrê. Demîrtaş, da zanîn ku niha têkoşîna ji bo jiyana bi rûmet berdewam dike û bi gotina "Ji jiyana bi rûmet berdewam dikin re hezar silav" hemû têkoşeran silav kir. 

'Ji ber komkujiyan asayî nabînin têkoşîna aştiyê didin'

Demîrtaş, destnîşan kir ku komkûjiyên pêk tên tenê di 8 rojên dawî de ji salên dawî yên Osmaniyan dest pê kir, ji Mîr Bedirxanan heya niha gel bi van komkûjiyan re rû bi rû ye. Demîrtaş, anî ziman ku ji ber ew van komkûjiyan, zilm û zordariyan normal pêşwazî nakin, qebûl nakin vê têkoşîna aşitiyê didin e. Demîrtaş, derbirî ku lêgerîna azadiyê ya gelê kurd her çiqas di siyaseta demokratîk de berdelên gelek mezin dabe jî, têkoşîneke ji bo wan jênager e ji bo gelê kurd hinceta jiyanê ye. Demîrtaş, diyar kir ku gelên li vir ne tenê ji bo rewşa awarte ya ev 9 rojin pêk tê daxwaza aşitiyê dikin, ji bo aşitî ji hemû gelan re lazime tê gotin. 

'Êrîş namerd in û Serokwezîr vê namerdiyê temaşe dike'

Demîrtaş, balkişand ser piştî daxuyaniyên Serokomar û AKP'iyan êrîşên li ser avahiyên HDP'ê û linckirinan û wiha axivî: "Ev êrîşên li ser avahiyên me û gelên me yên di nava kuçeyan de tên lînckirin hemû bi emrê AKP û Serokwezîr bi destê MÎT'ê tên kirinin. AKP talîmat dide MÎT organîze dike. Yê me diêşîne ne evin, ên me diêşîne êrîşên cîranên kurdan ên bi salan bi hev re jiyîn ên li hemberî dikan û malên wan e. Karkerên demsalî ji ber li ser erdnigariya xwe kar nedîtine û çûne ji ber xwedê ew kurd çêkiriye rastê êrîşan tê. Ev êrîş nijadperestiye, ne protestoyiye. Serokwezîr 2 rojin van temaşe dike. Hikumet van temaşe dike. Tiştên anîne serê Ermenan û Ruman niha di van êrîşên dawî de bînin serê kurdan. Nexwe ev ne protestokirina HDP'ê ye. Dikarin partiya me protesto bikin. Lê şewitandin û xirakirina avahiyên me, lînckirina mirovên me bêheysiyetî, namerdî ne. Serokwezîr jî vê alçaxiyî temaşe dike." 

Demîrtaş, da zanîn ku derheqê van êrîşan de tenê yek lêpirsînek hatiye vekirin û ew jî derheqê wî de hatiye vekirin. Demîrtaş, lêpirsîna derheqê daxuyaniya wî de hatiye vekirin cihê wî ya di Qanûna Cezaya Tirk de vegot. 

'Ev agir dê herkesî bişewitîne'

Demîrtaş, rewşa heyî jî wiha vegot: "Gelê me ne ji ber ku ji AKP'ê ditirse, ne ji ber ji cenderme, polîsan ditirse aşitiyê dixwaze. Ji ber ji wekheviya gelan bawer dikin dixwazin. Gelên li rojavayê Tirkiyeyê dijîn, eger em îro ji bo Cizîrê bêdeng bimînin dê ev agir her derî her kesî bişewitîn e. Qet nebêjin li vir Cizîr bişewite dê gelê li Bodrumê bi aramî bijîn. Lewra Bodrûm ji Cizîrê pir ne dûr e. Tiştên li Suriye û Iraqê hatin jiyandin wiha dest pê kir. Tirkiye jî nêzî vê ye. Vaye em ev 3 roje ne tenê ji bo Cizîrê ketine rê, ji bo hemû Tirkiyeyê ya li ber felaketê ye derketin rê." 

'Hûn polîtîkaqeyeke ewlehî ya ji yê Çîller zêdetir hişk pêk tîn in'

Demîrtaş, anî ziman ku ligel ew ji bo vê yekê derketine rê jî ji Enqereyê daxuyaniyên gefxwarinê digirin û ev tişt got: "Ji bo aşitiyê wêrekî ev e. Yên digotin 'min ji bo pêvajoya aşitiyê kefenê xwe girtiye destê xwe' îro li ku ne. Ji sedî 90'ên vî welatî li pey aşitiyê ye. Dibe ku wek partî winda bikin. Lê em dê tiştek ji wî qiymetir qezanc bikin. Di demên hêsan de axivîna aşitiyê hêsan e, yê pêwîst dike niha qala aşitiyê bê kirin. Eger hûn samîmî bin divê hûn soza ku we 2 sal berê da bû vê gelî bicih bînin. Lê hûn polîtîqayeke ewlehiyê ya ji yê Çîller hişktir dimeşîn in."

Demîrtaş, diyar kir ku wisa dizanin ku ew bi hezaran leşker û polîsan bixin Cizîrê dê her tişt hal bibe, lê nizanin ku berxwedaneke bêhempa derkeve pêşberê wan. 

'Herin ji kekê xwe yên teqawit bûne bipirsin'

Demîrtaş, bibîrxist ku li Cizîrê tîmên taybet tu mirovahiyê nasnake û bi çekên giran gulebaran dike û wiha got: "Herin ji kekê xwe yên teqawit ên JÎTEM'ê bipirsin. Di wî demî de me nikaribû di Cizîrê de tabelaya partiyê danîbûya. Wan çikir ku hûnê tiştek karibin bikin. Ew teqawit bûn û çûn partiya me ji sedî 94 deng girt." 

'Gotina em careke din bizivirin ser maseya aşitiyê dê hêsan nîn be'

Demîrtaş, balkişand ku di serî de Cizîrê li gelek cihên heremê birînên mezin çêbûne û xwîn ji vê birînî tê û wiha got: "Ji ber vê yekê ez bibêjim em careke din bizivirin ser maseya aşitiyê dê hêsan nîn be. Niha dîsa birînên me xwîn dibe. Divê pêşî em xwîna vê birînî bisekinîn in. Em bang li Serok Komar dikin; bangên em dikin ji KCK'ê bersivên erênî tên. Li aliyekê bersivekî wiha ji bangewaziyên me re tên, peywira dikeve ser milê Enqereyê diyar e. Parlemento nexebitî. Divê parlemento pêşî destê xwe deyine ser ujdana xwe." 

Demîrtaş, bertek nîşanê polîtîkaya weşanê ya medyayê ya ku derewên hikumetê vedişêrin û got ku wan temaşe nekin, ew bi xwe zawalî ne, zirarê didin lêgerîna aşitiyê. 

Demîrtaş, da zanîn ku tiştên li Cizîrê dijî tê rojek derkeve holê û destnîşan kir ku waliyê Şirnexê sûc dike. Demîrtaş, anî ziman ku ew dê rojekî vê hesabî bidin. Demîrtaş, ji walî re jî wiha got: "Ez bim cihê walî de dê minê pir bifikiriyam. Piştî 1'ê mijdarê AKP biçe ez ê çibikim. Cezayê derketina kûçeyê 100 TL ye, lê li Cizîrê cezayê derketina kuçeyê mirin e, kûştin e." 

Demîrtaş, li ser nûçeyên medyaya hawizê û daxuyaniya Serokwezîr a "Yên li Cizîrê tên kûştin PKK'yî ne" jî bi xwendina nav û temenê li Cizîrê hatine qetilkirin bersiv da. Demîrtaş, derbarê gera xwe ya dê bajêr û navçeyê de jî agahî da. Piştî daxuyaniyê li salonê dirûşmeya "Bijî berxwedana Cizîrê" hat berzkirin.