Diyarname
Komeleya Nivîskarên Sînemayê (Siyad) li Tirkiyeyê her sal xelatan dide fîlmên serketî. Di 58’emîn Xelatên Siyadê de fîlmê derhêner Emine Yildirim “Gunduz Apollon Gece Athena” xelata Fîlmê Herî Serketî jî têde 4 xelat girtin û mohra xwe li şevê da.  Piştî wê fîlmên “Yeni Şafak Solarken” û “O da Bir Şey mi” her yer bi 3 xelatan bi ser ket.

Siyad ji sala 1968’an ve van xelatan dide. Ji bo xelatên îsal li Îstanbul Modernê merasima xelatdayînê li dar ket. Lîstikvan Ece Dizdar pêşkêşvaniya şevê kir. Di şevê de Xelata Rûmetê dan Biket İlhan û Selma Guneri, xelata kedê jî dan platforma Susma Bitsin.

Siyadê berê xelat dida fîlmên ku ketine vîzyonê, van salên dawî beşa fîlmên di platformên dîjîtal de hatine nîşandayîn jî lê zêde kirin.Ligel fîlmên metrajdirêj, di warê belgefîlm û kurtefîlman de jî xelatê dide.

Fîlmê Emine Yildirim “Gunduz Apollon Gece Athena” di warê Fîlmê Herî Serketî, Senaryoya Herî Serketî, Lîstikvanê Duyemîn ê Herî Serketî û  Xelata Giovanni Scognamillo a Fîlmê Fantastîk  de bi ser ket.

Derhêner Gurcan Keltek bi fîlmê xwe “Yeni Şafak Solarken” xelata Derhênerê Herî Serketî girt. Fîlmê xelata Derhênerê Dimenê yê Herî Serketî û Muzîka Herî Serketî jî girt.

Fîlmê Pelin Esmer “O da bir şey mi” bi xelata Lîstikvana Herî Serketî (Merve Asya Ozgur), Lîstikvana Duyemîn a Herî Serketî (İpek Bilgin) û xelata Derhênera Dîmenê ya Herî Serketî girt.

Lîstikvan Ahmet Rifat Şungar bi rola di “Gecenin Kiyisi” xelata Lîstikvanê Herî Serketî girt. Bariş Gonenen jî bi rola di “Gunduz Apollon Gece Athena” de xelata Lîstikvanê Duyemîn ê Herî Serketî girt.

Xelata Belgefîlmê Herî Serketî dan belgefîlmê Orhan Eskikoy ê bi navê “Ev”. Xelata kurtebelgefîlmê herî serketî jî dan  dan belgefîlmê Çagla Gilis ê bi navê “ E Blok, Daire 5”.

Va ne hemû xelatên hatine belavkirin:
- Fîlmê Herî Serketî: Gunduz Apollon Gece Athena 
- Derhênerê Herî Serketî: Gurcan Keltek (Yeni Şafak Solarken)
- Senaryoya Herî Serketî: Emine Yildirim (Gunduz Apollon Gece Athena)
- Xelata Lîstikvana Herî Serketî ya Cahide Sonku: Merve Asya Ozgur (O da Bir Şey mi)
- Xelata Herî Serketî: Ahmet Rifat Şungar (Gecenin Kiyisi)
- Xelata Lîstikvana Duyemîn a Herî Serketî: İpek Bilgin (O da Bir Şey mi)
- Xelata Lîstikvanê Duyemîn ê Herî Serketî: Bariş Gonenen (Gunduz Apollon Gece Athena)
- Derhênerê Dîmenê yê Herî Serketî: Peter Zeitlinger (Yeni Şafak Solarken)
- Muzîka Herî Serketî: Son of Philip (Yeni Şafak Solarken)
- Vesazkirina Herî Serketî: Rainer Nigrelli (Gecenin Kiyisi)
- Derhênera Dîmenê ya Herî Serketî: Elif Taşçioglu (O da Bir Şey mi)
- Fîlmê Herî Serketî yê di Platforma Dîjîtal de hatiye nîşandayîn: Domates, Biber, Depresyon (Derhêner: Aybuke Avci)
- Belgefîlmê Herî Serketî: Ev (Derhêner: Orhan Eskikoy) 
- Kurtebelgefîlmê Herî Serketî: E Blok, Daire 5 (Derhêner: Çagla Gillis) 
- Kurtefîlmê Herî Serketî: Kirpik (Derhêner: Doga Kilcioglu Esen)
- Xelata Fîlmê Fantastîk a Giovanni Scognamillo:  Gunduz Apollon Gece Athena (Derhêner: Emine Yildirim)
- Xelata Hêviyê ya Ahmet Uluçay: Toprak İşik (Yaşarim Bence [Muzisyen Olan Degil] filmiyle) 
- Xelata Fîlmê Navneteweyî yê Ketiye vîzyonê yê Herî Serketî: One Battle After Another
- Xelata Fîlmê Navneteweyî yê Di Platforma Dîjîtal de hatiye nîşandayîn ê Herî Serketî: Train Dreams

"Gunduz Apollon Gece Athena" wekî Fîlmê Herî Serketî hat hilbijartin.

***

Nûçeya Eleqedar:

- Siyadê kesên Xelata Ked û Rûmetê wê bide wan eşkere kirin

- Siyadê berendamên fîlmên serketî eşkere kirin

- Siyadê berendamê xelatên belgefîlm, kurtefîlm û fîlmên fastastîk eşkere kirin

- Di lîsteya Siyadê de ‘Şer li dû şer’ û ‘Xeyalên Li Trênê’ derketin pêş