Diyarname
Kovara Pêngavê k udu salan berê dest bi weşana xwe kiribû, hejmara xwe ya 8’an derxist. Di hejmara nû ya kovarê de digel nivîsên zanistî yên xwendekaran, hevpeyvîn û helbest jî di kovarê de hene.

Kovara Pêngavê di gulana 2010’an de bi pênc xwendekarên Zanîngeha Stenbolê bi armanca ku zimanê kurdî di nav xwendekarên kurd ên zanîngehê de belav bibe dest bi weşanê kiribû. Heta niha her çiqas li hemû zanîngehan belav nebe jî li nêzî 15 zanîngehan bi awayekî belav dibe. Ji van zanîngehan hin bi nivîsên xwe jî beşdarî kovarê dibin. Di kovarê de nivîskar ji sedî nodê wan li zanîngehan xwendekar in. Naveroka kovarê jî bi gelemperî zanistî û edebî ye û di ber de jî xêz û karîkatur rengekî hunerî dide kovarê.

Di vê hejmara dawî de nivîsên zanistî yên wekî “Serebral Palsî/SP” (Îmad Bernas), “Rêbazên lêkolînkirina berhemên hunerî û şêweya wan” (Nûhat Deştî), “Têgînên geometriyê” (endazeyê) (Fûad Qaya), “Nexweşiyên riyên hilmijê yên jor” (Fûad Hemedxan), “Zarok û tenduristiya diranên wan” (Hamza Ozturk), “Ragihandin” (Azîz Tekîn) hatine weşandin.

Her wiha du hevpeyvînên ku yek ji wan bi helbestvan Arjen Arî û ya din jî bi Dr. Michiel Leezenberg re hatiye kirin.

Wekî din bi helbest, çîrok, werger, rexne û ceribandinên xwe ve van nivîs û kesan di kovarê de cih girtiye:
DUA: Ji “and the earth did not devour him”a tomás rivera Werger: Yefren,
Ewîxwedît û nivîskarê narsîst Mem Jan,
Dehaya girseyan (The genius of the crowd) Charles Bukowski / Wergera ji îngilîzî: Hesenîkê Lelê,
Rojeke wekî îro Înan Eroglu,
Seîdê kurdî û perwerdehiya bi zimanê zikmakî Gernas,
Herkes dizane (Everybody knows) Leonard Cohen / Wergera ji îngilîzî: Ahmet Guneri,
Ey yar! Pêşeng Pêtoyan,
Rojên ji dojehê Mekî Ekîn,
Ji dara zanistê şaxeke nû: pirtûka “Ji dermanxaneya siruştê zerzewatên şîfadar” Eliyê Xanê,
Çûyîna bêyom Yehya Omerî,
Muzîka bêdeng Sezai Karakoç / Wergerandina ji Tirkî: Fûad Qaya,
Tê wanî korkîram bi tiştekî ve neyê girêdan Can Yucel / Ji tirkî: Sadedîn Çira,
Ger ez... Bim Lê Gulê,
Hesabê sûkê û malê Tîrêj Çiya,
Dûrî/Înkarî Meylan Mihacir,
Ez bazirganê mirina xwe me lê dayê Nurullah Qoserî,
Xwişk û bira Berhevkar: Emre Mehenî,
Gotinên Aliya Îzzetbegovîc Sewîm Qoserî
Û Yasemîn Qoserî jî bi du karîkaturên xwe beşdarî Pêngavê bûye.