Diyarname
Li Tirkiyeyê yekemîn car li rojnameyek gelek kes tên ba hev, her yek kesek dibe Gerînendeyê Notebê yê Rojnameyek. Ew rojname rojnameyek kurdan Ozgur Gundem e. Ji 3'yê gulanê ve her rojê kesek karê Gerînendetiya Weşanê yê Nobedar ê Ozgur Gundemê dike û ev kar didome. Heta niha nêzî 50 kesî ev kar girtiye ser milên xwe û li bi ser 40 kesî re der barê wan de doz hatiye vekirin. Û îro: Sê gerînendeyên nobedar Prof. Dr. Şebnem Korur Fîncanci, nivîskar Ahmet Nesîn û Nûnerê Rojnamegerên Sînornenas (RSF) ê Tirkiyeyê Erol Onderoglu ku derbarê wan de lêpirsîn hatibû vekirin îro derketin pêşberî dozger. Dozger piştî îfadeyan ew şandin ber dadger û di dawiyê de her sê hatin tewqîfkirin.
Li Tirkiyeyê yekemîn car karek bi gotineke din piştgiriyek wisa çêdibe, yekemîn car hin kes wekî gerînendeyên weşanê yên nobedar têne tewqîfkirin.
Seroka TÎHV'ê Prof. Dr. Şemnem Korur Fîncanci, nivîskar Ahmet Nesîn û rojnameger Erol Onderoglu yên piştevanî dabûn kampanyaya Ozgur Gundemê û peywira Gerînendeya Weşanê ya Giştî ya Nobedar ji ber nûçeyên ku di rojnameyê de derketin bi îdiaya "propagandaya rêxistinê kirine" hatin girtin.