Diyarname
Lîstikvan Brigitte Bardot yek ji lîstikvanên efsanewî ya fransiz bû, di 91 saliya xwe de mir.

Weqfa Brigitte Bardot ragihand ku Bardot ev demek dirêj  ji ber enduristiyê dihat dermankirin lê îro mir.

Weqfê got, "Mirina avakara Weqfa Brigitte Bardot û seroka weqfê, lîstikvana li dinyayê navdar û stranbêj Brigitte Bardot em xemgîn kirin. Wê jiyana xwe ya bi prestij hiştibû û jiyan û enerjiya xwe ji bo aramiya sewalan û weqfê peşkeş kiribû."

Bardot roja 28'ê rezbera 1934'an de li Parîsê hatibû dinê. Roja 28'ê berfanbara 2025'an mir. Sala 1952'yan dest bi lîstikvanî kiribû. Heta sala 1973'yan li dor 50 fîlmî de lîst.
Ew bi fîlmên xwe ji bo Lîstikvana Herî Serketî bûbû berendama Xelatên BAFTA'yê.
Wê Xelat David di Donatello ku Akedemiya Sînemayê ya ÎtalyaYê belav dike girtibû. Fransayê nîşaneya Lêgion d'honneur" dida wê lê wê ev nîşane red kiribû.Marine

Bardot di sala 2012'yan de piştgirî dabû berendama serokomariyê Marine Le Pen ku ew keça siyasetmedara rastgira radîkal Le Pen e. Ji ber vê yekê hatibû rexnekirin.
Di sala 2018'an de jî dema jinan bi tevgera #MeToo qala tacîzên cinsî ya li nav sektora sînemayê kiribû, Bardotê ew rexne kiribûn û gotibû gelek lîstikvn ji bo rolê bi dest bixin "xwe şîrîn nîşan didin" û ji bo wan gotibû "dirû".