Riha
Li Rihayê Komeleya ZIMANGER kongreya xwe ya asayî ya yekem li Salona Konferansê ya Tahir Elçî ya Baroya Rihayê li dar xist. 
Li salonê pankartên wekî "Perwedeya zimanê dayikê bingeha civakê ye", "Statuya kurdî perwerdehiya bi kurdî" ve "Statuyê kurdkî perwerdeyê bi kurdkî" daliqandin. Endamên Dayikên Aştiyê, berê Rêberê PKK'ê Abdullah Ocallan Mehmet Ocalan, Cebrail Vural ê 30 salan girtî bû û mebûsê DEM Partî Omer Ocalan û gelek kesên din di kongreyê de amade bûn.

Omer Ocalan ku li vir axivî, qala pêvajoya aştiyê ku niha didome kir û got ku ev pêvajo ji bo Tirkiyeyê û hemû Rojhilata Navîn girîng e. Ocalan paşê li ser ziman sekinî û got, "Em gelê xwe û hebûna xwe neparêzin kes nikare biparêze. Emê jiyana bi kurdî ava bikin. Baş e emê ji bo zimanê xwe çi bikin? Gere em vê nişan bidin. Li hemberî hemû polîtîkayên asîmîlasyonê kurdan kariye ziman û hebûna xwe biparêzin. Di pêşengiya rêber Apor de ev pêvajo dê bigihîje serketinê. Rêber Apo dibêje divê li her malî kurdî bê axivîn, kurdî bê parastin. Baş e gere em vê çawa bikin? Ev dikare bi awayekî komunal bê çêkirin. Em li her derê xwe birêxistin bikin. Em bi kurdî biaxivin, binivîsin û bijîn."

Omer Ocalanî rexne li siyasetmedaran jî kir û got, "Siyasetmedar dema derdikevin ber kursiyê bi kurdî silavê didin û paşê bi tirkî didomînin. Ez vê rexne dikim. Têkoşîna azadiya kurdan ji bo kurdî gelek berdel dan. Ger em rastiya xwe nebinin, em nikarin pêvajoyê ber bi serketinê ve bibin."

Hevseroka DEM Partî ya Rihayê Ayşe Surucu jî bang li Komîsyona Meclisê kir ku kurdî bi awayekî fermî bê nasîn û bi awayekî fermî perwerdehî pê bê dayîn.

Piştî axaftinan hilbijartin çêbû; Esma Şengul û Osman İzgor ji bo Hevserokatiya ZIMANGER'ê hatin hilbijartin.