PARÎS
BDP wekî heyet beşdarî Kongreya Soyalîst Enternasyonelan ku li Parîs’ê pêk hatibû bû. Hevserokê BDP'ê Selahattîn Demîrtaş, bi vexwendnameya Serokomarê Iraqê Celal Telebanî bi xwarinekê hatin ba hev. Telebanî di dema hevdîtinê de anî zimên ku dibe ku di biharê de Konferanasa Neteweyî ya Kurdan pêk were.

Der barê hevdîtinê de hevserokê BDP'ê Demîrtaş ji bo ANF'ê axivî û destnîşan kir ku rojeva Iraqê û ya Tirkiyeyê hildane dest û der barê Konferansa Neteweyî ya Kurdan de jî dîtin parve kirine.

DIBE KU KONFERANS DI BIHARÊ DE PÊK WERE

Demîrtaş destnîşan kir ku wan Telebanî careke din hilbijartina ji bo serokomariyê pîroz kiriye û her wisa bi minasebeta pîrozkirina cejnê dîsa hatine ba hev. Demîrtaş anî zimên ku Telebanî gotiye dibe ku di biharê de konferansa Neteweyî ya Kurdan pêk were.

BUROYA BDP'ê DI NAVBERA 15-20’ê BERFANBARÊ LI HEWLÊR’ê VEDIBE

Demîrtaş wisa got; “Jixwe em mûxatabekî rewa ne. Heger hikumet dibêje mûxatab, di rojên pêş de divê bersivê bide BDP'ê û dest bi muzakereyan bike.”

Her wisa Demîrtaş qala buroya BDP'ê ya ku wê di meha pêşiya me de li Hewlêrê were vekirin jî kir û got ku ew ê di navbera 15-20'ê Berfanbarê de li Hewlêrê buroyaya BDP'ê vekin.