Stenbol
Endama Komîsyona Meclisê û Berdevka Koma DEM Partî Gulistan Kiliç Koçyigit li ser hevdîtina li Îmraliyê ligel Ocalan axivî.
Koçyigit ji T24'ê bo Cansu Çamlibel axiviye û qala hevdîtina ligel Rêberê PKK'ê Abdullah Ocalan kiriye.

Va ye ji wê hevpeyvînê çend agahî:
- Kurteya hevdîtinê li Meclisa Tirkiyeyê ji bo komîsyonê hate axivîn. Lê xelk temamê hevdîtinê meraq dike. Li vir pirsgirêka rêbazê derket.

DIBE KU ŞARA BIBE DÎKTATOR
- Ocalan gotiye li Sûriyeyê demokratîkbûyîn saz nebe, serokê demkî yê Sûriyeyê Ahmed el ara wê veguhere bibe dîktatorek. Ev hişyarî hate kirin.

FORMULEK LI SER HSD'Ê
- Li ser HSD'ê (Hêzên Sûriyeya Demokratîk) formulek pêşkêş kir. Hêzan leşkerî dikare entegreyê artêşê bibe, ji bilî vê dikar ehêza asayîşê ya herêmê hebe. Hêzek dê beşdarî artêşê bibe, hêza din dê parastina herêmî bike û asayîşê çêbike.

XANEDANA ESAD
- Esad bûn xanedanek. Niha em dibînin herêm bû herêmê birîndar, erdnîgariya herî bi êş. Îro Şara dibêje ew guherî ye. Ger bi rastî guheriye divê bibe demokratîk. Ger neguhere dê Şara bibe dîktator. Di rewşeke wisa de em dizanin dê çi biqewime.

SÛRIYE BIBE DÎKTATOR, KURD DÊ NEBIN PARÇEYEK WÊ
- Hemû gelên li Sûriyeyê divê bi nasnameyên xwe beşdarî pergala demokratîk bibin. Ev çênebe eşkere dê dîktatorî çêbibe. Di rewşeke wisa de Esadek din bi navek din dê çêbe. Ger Sûriye ber bi dîktatorî ve veguhere dê kurd nebin parçeyeke vê. 

QALA EBDÎ Û EHMED KIR
- Ocalanî navê Serfermandarê HSD'ê Mazlum Abd^iû Berpirsa Karên Derve ya Rêveberiya Xweser ÎLham Ehmed anî ziman û got, "Divê rêya min a têkilî danîna ligel rêveberiya Herêma Bakur û Rojhilata Sûriyeyê zêde bikin. Ew guh didin min. Qîmetê didin min.
- Li ser Sûriyeyê bi berfirehî axivî. Lê ev gotinên wî li Komîsyona Meclisê nehatin ziman. Ocalanî got ew ne dijî dewleteke uniter e lê divê Sûriye bibe demokrat.