Diyarname
Efsaney muzîkê funkî Sly Stone 82 serey xwu de merd. 

Muzîkê funkî peynî seranê 1960'inan de zey dewamê muzîkê R&B (rîtîm û blues) veciya meydan. Sly Stone yew efsaneyê enî muzîkî bî. Malbatey ê eşkera kerd ke Stone semedê KOAH û henî nêweşiyanê bînan merdo.

Malbata va, "Sly bi hîri tûtan û hevalanê xwu, miyanê malbatêke pîle de, miyanê hizûrî de xatir waşt. Qeybî ê ma xemgîn ê, la ma zanê ke mîratey muzîkê ê go îlham bido nifşanê verînan zî, bi ene yewî ma xwu teselî kenê."

Sly Stone 15'ê adarê 1943'yî de hamebî dinya. Serey 1967 de koma "Sly and the Family Stone" viraşt bî.
Peynî seranê 1960'î û seranê 1970 de bi dêranê "Dance to the Music", "I Want to Take You Higher", "Family Affair", "Everyday People", "If You Want Me to Stay" û "Hot Fun in the Summertime" hame naskerdişî.