Diyarname
Van roj rastî Cejna Zimanê Kurdî tê. Ligel vê, dawiya hefteyê li bajaran çi heye?
Me ew dan hev.

AMED:
- 15'ê mehê lîstika Şanoya Bajêr "Destana Moraşînê" li ÇandAmedê tê lîstin. Lîstik saet 20'an de ye.
- 16'ê mehê li Weqfa Îsmaîl Beşîkcî bi navê "İran: Ulus-Devlet, Milliyetçilik ve Sekulerleşme" gotûbêjek heye. Moderator Ahmed Kanî ye. Li ser meseleyê wê Prof. Dr. Ercan Çaglayan biaxive. Çalakaî saet 13.30 de ye
- 16'ê mehê li Wêjegeh Amedê du çalakî heye. Ya yekê saet 13'an de ye bi beşdariya nivîskar Îlhamî Sîdar li da dikeve.
Ya din bi navê "Di avakirina kolektîf a sînemaya kurdî de astengî çi ne?" li dar dikeve. Alî Kemal Çinar, Îsko Bîngol û Selahaddîn Eyup Tan beşdar dibin. Çalakî saet 18'an de ye.
- 16'ê mehê li Avestayê bi navê "Ne rojekê her roj zimanê kurdî" çalakiya ji bo ziman heye. Mêvan Mueyed Teyîb e. Wekî din Berken Bereh, Erol Şaybak, Esra Sadikoglu, Fahriye Adsay, Înan Eroglu, Leyla Mexso Berazî, Murat Bayram, Omer Dilsoz, Suleyman Akkuş, Şehmus Kurt, Şêxo Fîlîk û Ulku Bingol beşdar dibin. Moderatorê bernameyê Abdullah Keskin e. Çalakî saet 16'an de dest pê dike.
- 17'ê mehê li Mordem Sanatê belgefîlmê li ser Kurt-Kave dê bê nîşandayîn. Çalakî saet 14.00'an de ye.
**

BATMAN:
- 15'ê mehê li Navenda Çandê ya Baharê bernameya ji bo Roja Ziman heye. Saet 18'n de Saziyên Platforma Demokratîk wê daxuyanî bidin (Cih, Yilmaz Guney). Saet 20'î de jî li salonê çalakî heye. Lîstika şanoyê, koma muzîkê ya Navenda Çanda Baharê, Koroya Zarokan a Navenda Çanda Baharê wê li ser dikê bin.
- 16'ê mehê li Yenîsahneyê çalakiya gotûbêj û îmzeyê heye. Nivîskar û siyasetmedar Osman Ozçelîk beşdar dibe. Çalakî saet 14'an de ye.
- 17'e mehê lîstika Yenîsahneyê "Elsa Buzlar Diyarinda" ji bo zarokan saet 13'an de tê lîstin.
- 17'ê mehê Komeleya Nûbiharê bi navê "Karesata Bêdeng: Asîmîlasyona çandî û zimanî" panelek li dar dixe. Hiqûqnas Dr. Salim Orhan, Mideris Seyda M. Seyfedin Tunç, Vekolîner Kemal Şahîn wê wekî axifger beşdar bibin. Moderatorê bernameyê Lokman Kalan e. Çalakî saet 15'an de li Salona Baroya Batmanê li dar dikeve.

**

SÊRT:
- Platforma Ked û Demokrasiyê ya Sêrtê 4 roj ji bo ziman çalakiyan li dar dixe. Bernameya wan 14'ê mehê dest pê kir, 15'ê mehê saet 16'an de ji ber ÎHD'yê heta Dibistana Sancakê wê bimeşin.
Wekî din:
- 16'e mehê li Baroya Sêrtê gotûbêj: Mêvan rojnameger û helbestvan Roza Metîna, helbestvan Gulecan wê beşdar bibin. Çalakî saet 14'an de ye.
- 17'ê mehê li Baroya Sêrtê ji bo zaroan bi kurdî sînevîzyon tê nîşandayîn. Çalakî saet 20.00'an de ye.
**

WAN:
- 15'ê mehê li Wanê saziyên kurdî bi diruşma "Statuya Kurdî Perwerdehiya Bi Kurdî Em Dimeşin" meşek li dar dixin. Meşa wê li pişt Wan AVM'yê heta ber derê Marketa Gunpaşê li dar be.
KONA ZIMAN ku li Parka Hunerê ya li Rêya Armûşê hatibû danîn îro jî vekirî ye.
- 16-17'ê gulanê: SEMPOZYÛMA ZIMANÊ KURDÎ: Egîtîm-Sena Wanê bi navê "Li Kurdistanê rewşa zimanê kurdî û perwerdehiya bi kurdî" 3'yemîn sempozyûma xwe li dar dixe. Sempozyûnê rojên 16 û 17'ê mehê, du rojan li Salona Baroya Wanê li dar dikeve. 
**

CULEMÊRG:
- 16'ê mehê, lîstika Şaneşîn Performansê " “Ji Kela Dimdimê” di çarçoveya Cejna Ziman de diçe Culemêrgê. Lîstik saet 20'an de wê li Salona HATSO'yê bê lîstin.
**

MÊRDÎN:
- 16'ê mehê lîstika "Wezîrtî Para Min e" li Şaneşîn Performansê saet 20'an de derdikive ser dikê.
- 17'ê mehê li Şaneşîn Performansê lîstika "Tirş û Tehl" tê lîstin.
**

STENBOL:
-16'ê mehê li Weqfa Îsmaîl Beşîkçî bi sernavê "Bîranîn: Konferansa 100 Saliya Berxwedana Agiriyê" li dar dikeve. Axaftina destpêkê wê Îbrahîm Gurbuz bike. Nihat Gultekin wê wekî axifgerê amade, Mehmet Gultekin û Konê Reş jî online wê beşdar bibin. Moderator: Mekiya Baran Erden e. Çalakî saet 15'an de ye.
- 16'ê mehê hin saziyên kurdî (NÇM, Enstîtuya Kurdî, Ma Music, Ekin Sanat)  li Yogurtçu Parki ya Kadikoyê bi navê "Şahiya Cejna Zimanê Kurdî" çalakiyeke berfireh li dar dixin. Saet 12'aan de dest pê dike. Atolyeya Zarokan saet 13'ayan de de ye. Wê Şanoya Zarokan hebe, Gulên Mezrabotan, hunermend Ayfer Duzdaş, Umut Gunduz û Lawîn wê li ser dikê bin. Koma Erbaneyê Koma Amargî wê hunera xwe pêşkêş bikin. Dîsa kurtefîlmê "Çerx" bê nîşandayîn.

**