Diyarname
Hunermend Mikail Aslanî eşkera kerd de serê aşme de go Beyray Koy ay Amedî de konserêke bê pere bido.

15'ê gulanê ene aşme de gere Mikail Aslanî saloney Şaredariya Bajarê Pîlî ay Amedî "ÇandAmed" de konser bidayne. Organîzatoran dimara ferq kerd de 15'ê aşme rastê Roşanê Ziwanê Kurdî yeno û ew ca go çalakî bibê. Sebê ene yewî konser taloqê 1'ê aşmey vernî ma kerd. Dimara çalakiyê 15'ê aşme zî betal bî. 
Serê ene yewî de Mikail Aslanî peyamêke serê hesabê xwu ê X'î de kerd vila û vat, "Sedemê ene taloqkerdiş û betalkerdişî ma hemberê guştaroxanê xwu mehcûb ê û lêborîne wazenê. Semedo ma enî rewşî henî telafî bikerê ma biryar da konserê ma qeybî her kesî akerde bo û bê pere bo. Ê ke bilêtî girotîbê wa bilêtanê xwu îade bikerê."

Aslanî vat ke konserê înan 1'ê hezîranî saet 10.00 de Meydanê Beyray Koy de bê pere wo.