Qamişlo
Şaredariya Gel a Şedadê ya kantona Cizîrê, bi armanca çareserkirina pirsgirêka ava vexwarinê ku 13 sal e ji ser bajêr qut bûye, av ji çemê Firatê gihand stasyona avê ya bajêr.
Ji ber xirabûna şebekeya avê, ev 13 sal bû ku ava vexwarinê nadigîşt bajarê Şedadê. Ji bo çareseriyeke mayînde ya pirsgirêka ava vexwarinê, Şaredariya Gel a Şedadê di kewçêra sala borî de dest bi projeya nûjenkirina şebekeya avê ya bajêr kir tu dirêjahiya wê 60 kîlometre ye.
Wekî destpêk piştî xebatên ku meh û nîvekê dom kirin, niha ava vexwarinê ji çemê Firatê gihîşte stasyona avê ya bajêr.
Rêveberê Saziya Avê ya Şaredariya Gel Hemed El Şaban da zanîn ku di rojên pêş de dê xebatên sererastkirina şebekeyên malan li taxên bajarê Şedadê bê kirin û piştî ku ev yek bi dawî bû, dê xebat bê kirin ku ava Firatê bigihînin gundên derdorê jî. Li gorî Şaban di nava meh û nîvekê de dê ev xebat bi dawî bibe.