Diyarname 
Helbestvan û nivîskar Îlhan Sami Çomak pistî 30 salên girtîmayînê îro hat berdan.
Çomak di sala 1994'an de hatibû girtin û DGM'ê 30 sal cezayê hepsê lê birîbû.
Çomak îro ji tîpa L ya Sîlîvriyê hat berdan.
Îlhan Samî Çomak kî ye?
Helbestvan û nivîskar Îlham Çomak di sala 1973'yan de hatiye dinê. Dema li Zanîngeha Stenbolê di Beşa Erdnîgarî ya Fakulteya Wêjeyê de dixwend hat girtin.
Di sala 1994'an de DGM'ê cezayê îdamê lê birî, ew veguhart cezayê muebbetê. Di sala 2007'an de Dadgeha Mafên Mirovan a Ewropayê biryara "Bi awayekî adilane nehatiye darizandin da û daxwaza ji nû ve darizandinê da". Di sala 2013'yan de ji nû ve dest bi darizandina Çomak kirin û di sala 2016'an de carek din ceza lê birin.
Îlhan Çomak dema li girtîgehê bû birê wî Samî mir. Wî navê "Samî" li navê xwe kir û êdî di nivîs û helbestên xwe de navê İlhan Samî Çomak bikar anî. Wî heta niha gelek helbest nivîsandine. Di sala 2018'an de bi pirtûka xwe ya helbestan "Geldim Sana" Xelata Helbestê ya Sennur Sezer girt.
Sala 2020'î kesên dixwestin neheqî li Çomak bûye û divê bê berdan ji bo rojnameya Guardianê name nivîsandin û di nameyê de ji hikumeta Kraliyeta Yekbûyî xwestin ji bo berdana Çomak zorê li Tirkiyeyê bike.
Çomak, endamê PEN'ê ye.
Hin pirtûkên wî ev in:
- Gunaydin Yeryuzu
- Hayattayiz Nihayet
- Hayat Seni Çok Seviyorum
- Karinca Yuvasini Dagitmak
- Geldim Sana
- Haritadan Taşan
- Açik Deniz
- Karinca Yuvasini Dagitmama