Diyarname
Yek ji kanalên kurdî Ronahî TV kete 13 saliya xwe. Kanal zêdetir li ser kurdanê Rojava weşanê dike.
Ronahî TV di sala 2011'an de hate avakirin.
Ronahî TV di meha kewçêra 2011'an de dest bi weşanê kir. Kanalê li paytexta Belçîkayê Brûkselê dest bi weşanê kir. Pêşî rojê 3 saet weşan dikir. Di sala 2014'an de dest bi weşana 24 saetar kir.
Li Rojava her ku hakimbûna Rêveberiya Xweser xurtir bû, ji bo xebat û weşanên kurdan jî bû navend. Li ser vê di sala 2017'an de Ronahî TV navenda xwe bir Rojava û li Qamişloyê ofîsek vekir.
Niha ligel nûçeyan, bernamyên siyasî, civakî, çandî, yên li ser dozên jinan û yên ciwanan têne weşandin.
Li ser Ronahî TV yek ji pêşkêşvanên kanalê Hebûn Omer ji bo ANHA'yê gotiğe; "Îro bi sedan rojnameger ji tevahî pêkhateyên Bakur û Rojhilatê Sûriyeyê di Ronahî TV de cih girtine û kanal bêrawestan, zêdetirî 20 bernameyên bi zimanên kurdî û erebî diweşîne."
Pêşkêşvan Bêrîtan Xalid jî gotiye, "Ronahî TV bi veguhastina rastiyan bê ku tiştî tê de biguherîne, di derxistina pêkhateyên herêmê ji tariyê ber bi ronahiyê de, lîst. Tevî hemû zehmetiyan, em ê ji bo pêkanîna armancên ku ji bo wan kenal hatiye damezirandin, têkoşînê bidomînin.”