Diyarname
Di sala 2025'an de ji stranbêj, nivîskar, helbestvan, lîstikvanan û weşangeran gelek kesî canê xwe ji dest da. Me ew dan hev.
Va ne yên ku di nav salê de canê xwe ji dest dane:
19.01.2025:
BAVÊ TEYAR
Hunermend Bavê Teyar îro mir. 18'ê mehê di êrîşa balafirên Tirkiyeyê de ew jî birîndar bûbû; îro mir. Bavê Teyar sala 1957'an li Qamişloyê hatibû dinê.
*
20.01.2025:
DARA STRÎ
Karîkaturîst Dara Strî li Stenbolê mir. Ew ji Kobanî bû û 57 salî bû.
*
15.02.2025:
KAHTALI MIÇÊ
Hunermend Mustafa Kahtali ku bi navê stranbêjî wekî "Kahtali Miçê" dihat nasîn, mir. Ew di sala 1953'yan de li Kolika Semsûrê hatibû dinê.
*
17.02.2025:
REŞÎD SOFÎ
Hunermend Reşîd Sofî ku wekî "Mîrê Ûdê" dihat nasîn mir. Ew di sala 1953'yan de li Kobanî hatibû dinê.
*
19.02.2025:
ALLAH-MORAD RASHTIAN
Stranbêj û lîstikvan Allah-Morad Rashtian mir. Ew di sala 1949'an de li Senendecê hatibû dinê.
*
26.02.2025:
DIYA CIWAN
Helbestvan û nivîskar Diya Ciwan li Duhokê mir. Ew sala 1952'yan hatibû dinê. Cenazeyê wê li Goristana Sentengê ya Duhokê defin kirin.
*
12.03.2025:
SAKÎNE ARAT
Endama Dayikên Aştiyê Sakîne Arat mir. Dema ji ber Serhildana Şêx Seîd malbata wê sirgûnê Kutahyaya Tirkiyeyê kiribû, ew di sala 1935'an de li Kutahyayê hatibû dinê.
*
14.03.2025:
AHMET ARAS
Nivîskar Ahmet Aras li Îzmîrê mir. Aras bi pirtûka "Şairê Kurda yê Efsanewî Evdalê Zeynikê" navdar bûbû. Ew sala 1944'an li Qereyazî hatibû dinê; cenazeyê wî li Qereyazi defin kirin.
*
23.03.2025:
BAVÊ HEWAS
Dengbêj Ferhan Silêman Mûrad ku bi navê ‘Bavê Hewas’ dihat naskirin li Hesekê mir. Cenazeyê wî li heman bajarê hat definkirin.
*
12.04.2025:
ÎSA BULUT
Serokê Kurdî-Dera Edeneyê Îsa Bulut mir. Cenazeyê wî li Goristana Kuçukoba ya Seyhana Edeneyê hat definkirin.
*
12.04.2025:
EZÎZ NEÎMETÎ
Nivîskar, helbestvan, nexnegirê wêjeyî û mamoste Ezîz Neîmetî (Ava Şîn) li Urmiyeyê mir.
Meîmetî sala 1922'yan li gundê Kanîspî ya li ser bajarê Şinoyê ya Umriyeyê hatibû dinê
*
21.04.2025:
MECÎT ÇÎFTÇÎ
Yek ji avakarên kovara Bîrnebûnê û Weşanxaneya APEC'ê Mecît Çîftçî mir. Ev 30 sal bûn wî jî ji bo pirtûkên kurdî û kovara wan ked dida.
*
01.05.2025:
FADIL OZTURK
Helbestvan û nivîskar Fadil Öztürk li îzmîrê mir. Cenazeyê wî li Gazilera Bayindira Îzmîrê defin kirin. Ew sala 1955'an li Dêrsimê hatibû dinê.
*
03.05.2025:
SIRRI SUREYYA ONDER
Siyasetmedar, mebûsê DEM Partî Sirri Süreyya Onder mir. Onder qeyrana dil derbas kiribû û ev çend roj bûn li nexweşxaneyê bû. Cenazeyê wî li Goristana Zincirlikuyu ya Şişliya Stenbolê hat definkirin.
*
09.05.2025:
XATAR
Repvanê kurd Xatar bi navê xwe yê fremî Jîwar Hajabî di 44 saliya xwe de li Almanyayê mir.
*
28.05.2025:
HAMÎT GEYLANÎ
Nivîskar û siyasetmedar Hamit Geylanî mir. Malbata Feylanî ji ber bûyerên 1925'an ji Şemzînanê bar kiribû Ûrmiyeyê. Ew di sala 1947'an de li Ûrmiyeyê hatibû dinê.
*
14.07.2025
MUZEFER KAMKAR
Hunermendê Muzefer Kamkar li bajarê Sineyê mir. Cenazeyê wî li goristana Hunermendên Beheşta Mihemedî ya li Sineyê hat veşartin.
*
23.07.2025:
MEM XELÎKAN
Nivîskar û yek ji avakarên Kovara Bîrnebûnê dr. Mem Xelîkan mir. Cenazeyê wî birin li gundê wî Xelîkanê defin kirin.
*
23.07.2025:
EMÎNE OCAK
Diya Hasan Ocak ê hatibû windakirin Emine Ocak mir. Ew li Dêrsimê hatibû dinê. Ji sala 1995'an ve li nav Dayikên Şemiyê de cih girtibû. Ocaka ku 89 salî bû cenazeyê wê li Goristana Gazî ya Sultangaziya Stenbolê deginkirin.
*
03.09.2025:
SILÊMANÊ ŞIRNEXÎ
Dengbêj Silêmanê Şirnexî mir. Ew 73 salî bû.
*
04.09.2025:
AHMET ADAY
Mamoste AHmed Aday li Enqereyê canê xwe ji dest dan. EW ji Hezexa Şirnexê bû
*
02.10.2025:
MIZGÎN HESKO
Helbestvan Mizgîn Hesko li bajarê Bielefelda Almanyayê mir. Ew di sala 1973'yan de li Qamişloyê hatibû din.
*
09.11.2025:
ÎSHAK TEPE
Bavê rojnameger Ferhat Tepe İshak Tepe mir. Siyasetmedar û nivîskar Tepe di sala 19141'ê de li Bedlîsê hatibû dinê.
*
28.11.2025:
DÎLAN KARAMAN
Rojnameger û aktîvîstan Dîlan Karaman mir. Cenazeyê wê li Goristana Akkopru ya li Wanê defin kirin.
*
19.12.2025:
CAN GULŞENOGLU
Nivîskar Can Gulşenoglu li Amedê dema li nexweşxaneyê dihat derman kirin mir. Ew ji Mêrdinê bû.Cenazeyê wî birin Goristana Kaliko ya Dêrika Mêrdinê defin kirin.
*
24.12.2025
NÎHAL AY
Hunermend Nîhal Ay ku ji Farqîna Amedê bû lê li Rojava dijiya mir. Ew sala 1987'an de hatibû dinê. Kordînasyona Hîlala Zêrîn mirina wê ragihand.
***
Nûçeyên "2025"an di bin vê sernavê de wê bên belav kirin. Va ne yên eleqedar:
- Îngilistanê di warê firotina çekan de rekor şikand
- 2025: Lîsteya hemû kovarên kurdî ên îsal derketine
- 2025: Va ne 100 jinên herî bi hêz
- 2025: 67 rojnamegerî hamey kiştişî
- 2025: Peyvên herî zêde lê geriyane
- 2025: Va ye 'Zilamê herî seksî yê salê'
- 2025: Lîsteya pirtûkên nû yên weşanxaneyan, 1314 pirtûk
- 2025: Weşanên Şilêr îsal 70 pirtûk çap kirin
***
- Hemû pirtûkên bi kurdî, va ye lîste (2024)
***************
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
***************