Diyarname
Amed Spor di Lîga 1'emîn de yekemin maça li stada xwe, li pêşberî temaşevanên xwe lîst. Amed Sporê tîma Stenbolê İstanbul Spor kir mêvan. Nîveka yekemin bi 0-0'ê bi dawî bû.
Amed Sporê bi qeleparêz Nurullah Aslan, Batuhan Tur, Mehmet Yeşil, N'Koulou, Ugur Gezer, Sinan Kurt, Cassubie, Murat Uçar, A. Traore, Çekdar Orhan û Assombalonga dest bi maçê kir.
Di deqîqeya 5'an de li ser navê Amed Sporê Assom Balonga golek avêt, lê ji ber faûlê VAR'ê gol betal kir.
Di nîveka yekemîn de qeleparêz Nurullah Aslan pêşî li du lêdanên baş ên İstanbul Sporê girt û nehişt gol biavêjin.
Nîveka yekemin bi 0-0'ê bi dawî bû.
Li aliyê din Serokê TFF'ê İbrahim Haciosmanoglu ku duh ji bo maçê hatibû Amedê, ligel Serokê Klûba Amed Sporê Aziz Elaldi li trûbunê maç temaşe kir.
Di nîveka duyemîn de Amed Sporê 34 deqe bi 10 kesan lîst. Hê deqîqe  55 bu Ballonga bi serê xwe lêda gog ji qeleparêz vegeriya, gog li ber Murat Uçar ma, lê Uçar nekarî golê biavêje.
Deqîqeya 56'an de derbe li Amed sporê ket: Lîstikvanê Amed Sporê kaptan Ugur Gezer ji qerta zer a duyem qerta sor dît û ji sehayê derket. Ji vê kêliyê pêde Amed Sporê ma 10 kes.
Di deqîqeya 77'an de ji İstanbul Sporê Emir Kaan Gultekin li ser navê tîma xwe golek avêt: 0-1.
Di deqîqeya dawî de ji Amed Sporê Ballonga nekarî galê biavêje û bi vî encamî İstanbul Sporê ji Amedê 3 pûan birin.
Bi vê encamê di dawiya maça diduyan de İstanbul Spor bû xwedî 6 pûnan, Amed Spor di yek pûanê de ma.

**

Nûçeya Eleqedar:

- Hevşeradara Amedê, Walî, Serokê TFF'ê û yê Amedsporê hatin ba hev

**

Vîdeoyek: