Diyarname
Hevşaredara Bajarê Mezin a Amedê Sera Bucak, Waliyê Amedê Murat Zorluoglu, Serokê TFF'ê (Federasyona Futbolê ya Tirkiyeyê) Îbrahîm Haciosmanoglu û Serokê Amed Sporê Aziz Elaldi di şîvê de hatin ba hev.
Serokê TFF'ê Haciosmanoglu ji bo di Lîga 1'emîn de li maça yekê ya Amed Sporê ya li mala xwe temaşe bike hat Amedê. Serokê Amed Sporê Elaldi pêşwazî li Haciosmanoglu kir, li nava bajêr hinek geriyan û êvarê di şîvê de ligel Bucak û Zorluoglu hatin ba hev. 
Hevşaredara Amedê Bucak xêrhatin li mêvanan kir, dest da wan û li cihê xwe rûnişt.
Roja 19'ê mehê (sibê) maça Amed Spor û İstanbul Sporê heye. Amed Spor di Lîga 1'emîn de yekem car li mala xwe dê bilîze. Di hefteya yekê ya lîgê de hefteya borî Amed Sporê li Stenbolê ligel Fatih Karagumrukê 0-0 mabû.
Foto: Ferit Aslan (Ji X'a wî hatiye girtin)