Diyarname
Di Lîga Super a Tirkiyeyê de 3 tîm heta hefteya dawî hatin û hêviya her sêyan jî hebû ku bibe şampiyon, lê yekemîn Galatasaray bû û avantaj di destê wê de bû. Di maçên îro de her sê tîm jî bi ser keti û di encamê de Galatasaray bû şampiyon.

Şampiyon Galatasaray di maça xwe ya dawî de li Îzmîrê bû mêvanê Goztepeyê. Galatasaray di deqîqeya 66'an de Gomisî ji penaltiyê gol avêt û Galatasaray bi 1-0 maç bi dest xist. Bi vê pûanên xwe derxistin 75'an û bû şampiyon.

Fenerbahçeyê Konya bi 3-2 têk bir û bi 72 pûanan di rêza duyemîn de cih girt.
Başakşehîrê jî Kasimpaşa bi 3-2 têk bir bi heman pûanan di rêza sêyemîn de cih girt. Di rêza çarem de Beşîktaş bi 71 pûanî ma.
Ji van çar tîman Galatasaray sala bê raste rast dê here Lîga Şampiyonan a Ewropa, Fenerbahçe jî dê here heman lîgê lê dê maçên hevtêkbirinê bilîze.
Başakşehîr û Beşiktaş jî dê herin Lîga Ewropa ya UEFA'yê.
Her wiha Osmanli, Gençlerbîrlîgî û Karabuk ji lîgê ketin.
Galatasaray bi vê tam bû 21 car dibe şampiyon.