Diyarname
Muhammed Yûnûs bankager e, profesorê aboriyê ye û di heman demê de yek ji rêberên saziyên sivîl e. Bi xebata xwe ya li ser aboriyê di sala 2006'an de Xelata Aştiyê ya Nobelê girtibû. Ev Muhammed Yunis niha ji bo Serokatiya Hikumeta Demkî ya Bangladeşê hat peywirdarkirin.
Ev çend heftene li Bangladeşê xwendekaran çalakî li dar dixisin. Di vn çalakiyan de bi ser 100'î de kes mirin. Di encama van çalakiyan de çend roj ber^ğe Serokwezîra Bangladeşê Şêx Hasîna ji welat reviya ku ev 15 sal bûn li ser kar bû.
Di dema serokatiya xwe de Hasîna, bi îdîaya "bi xebatên xwe yên kar xwîna feqîran dimije" Yunus sûcdar kiribû û der barê wî de lêpirsîn dabû dest pê kirin. Lê alîgirên Yunus digotin ku ev lêpirsîn gavên siyasî ne. Par Neteweyên Yekbûyî ji ber kirinên hikumetê yên li hemberî muxalifên Wê, hikumet rexne kiribû.
Û niha di Bangladeşa ku lê tevlihevî hakime de Serokomar Mûhammed Şahabûddîn di civînê de ragihand ku Yunus wekî serokê hikumeta demkî tayin kiriye. Di civînê de rayedarên payebilind ên artêşê, rêberên xwendekarên di çalakiyê de jî amade bûn. Tê gotin ku xwendekar jî piştgirî didin Yunus.
Li aliyê din çend roj berê dema Hasina îsTîfa kir û ji welat reviya, wisa gotibû, "Heta ku Hasina li wir bû welat di bin dagirkeriyê de bû. Ew wekî dagirker, wekî dîktator, wekî generalek tevdigeriya, her tişt kontrol dikir. Îro hemû Bangladeş xwe wekî rizgarbûyî hîs dike."
Yunus paşê ev li gotinên xwe zêde kir, "Niha em dixwazin ji nû ve dest pê bikin û welatek xweşik ava bikin. Soza ku me daye xwendekaran û ciwanên ku dê pêşengiya welat bikin ev e."