Diyarname

Heta niha di Lîga Şampiyonan a Ewropayê de tu lîstikvanekî nikaribû 100 golî biavêje, niha ev yek jî hat kirin.

Di vê Lîga Şampiyonan de kesê gihîşt vê reqemê Ronaldo ye. Lîstikvanê Real Madrîdê Cristiano Ronaldo roja 12'yê mehê di maça R.Madrid û Bayer Munihê de 2 gol avêt û bû yekemîn lîstikvan ku digihîje 100 golî. Ew niha tekane kes e ku di kûpayên Ewropayê de 100 golî diavêje.

Cristiano Ronaldo di 10'ê avrêla 2007'an de bi formaya Manchester United (MU) li hemberî Romayê lîst û di vê maçê de MU bi 7-1 bi ser ketibû û Ronaldo jî gol avêtibû. Ronaldo 50'emîn gola xwe jî di avrêla 2013'yan de avêtibû Galatasarayê.

Ronaldo di Lîga Şampiyonan de 97, di Kûpaya Super a UEFA'yê de 2 û di hevtêkbirina maçên Lîga Şampiyonan de jî golek avêtibû bi vî awayî tam gihîşt 100 golî. Ronaldo bi temam3i di 143 maçan de lîstiye.

Piştî Ronaldo lîstikvanê Barselonayê Messi bi 97 gola (118 maç) û piştî wî jî lîstikvanê R.Madridê yê berê Raul Gonzalez bi 76 golan (158 maç) tê.