Diyarname

Em vê hefteyê klîba "Xeftan" hildibijêrin û pêşkêşî we dikin. Hunermend Sakîna Teyna xwendiye û Erdem Altinses jî lêdaye. Di encamê de xebateke xurt û xweş derketiye holê ku heq kiriye bibe klîba hefteyê.

Hunermend Sakîna Teyna di sala 1973'yan de li Gimgimê hatiye dinê. Di sala 1991'ê de li Navenda Çanda Mezopotamyayê dest bi karê muzîkê kiriye û paşê ji ber hin sedeman ji mecbûrî çûye Ewropayê. Ew li wir xebata xwe ya muzîkê didomîne. Wê albumek bi navê "Royê Mi" (2012) solo derxist û hin albumên din ligel hevalên xwe derxist.

Hunermend Erdem Altinses ku ji kemanê heta darbiqeyê dikare bi serketî gelek enstrumanan îcra bike heta niha ligel gelek hunermendên kurd xebitiye; wî lêdaye, wan xwendiye. Ev klîba niha jî bi vî awayî ligel Sakîna Teyna amade kiriye.

Klîb ji bo strana gelêrî "Xeftan" hatiye çêkirin û di meha gulana îsal de li Youtube hatiye barkirin.

Em vê wekî klîba hefteyê pêşkêşî we dikin. Kerem bikin: