Baran hebû, zîpik hebûn û di dawiyê de 2 gol hebûn

Diyarname
Di Dora 16'an de îro du maç hebûn. Almanya û Danîmarka, Îtalya û Swîsre... Swîsreyê bi 2-0'an Îtalya şand mal.
Swîsreyiyan ceza li îtalyanan birî
Îtalyaya ku di 2020'î de bi penaltiyan Kûpaya Euro 2020'î bi dest xistibû, vê carê nikarîn çarîk fînalê jî bibinin. Swîsreyê ew şandin mala xwe.
Maçên Dora 16'aan bi maça Swîsre û Îtalya dest pê kir. Di deqîqeya 37'an de Swîsreyê bi Freuler gölek avêt û nîveka yekemin bi vî awayî bi dawî kir.
Swîsre bi lez dest bi nîveka duyemîn kir, leza wê hebû û dixwest gavek zûtir îtalyanan bişîne mal: Deqe 46, Ruben Vargas encam diyar kir: 2-0.
Îtalyayanên ku di maçên koman de jî zêde hêvî nedabûn şuta xwe ya pêşî di deqîqeya 73'yan de avêtin.
Di dawiyê de Swîsre bi vê serketinê derbasî çarîk fînalê bû, Îtalya vegeriya mal.
Ji maça Îngilistan û Slovakyayê kîjan bi ser bikeve di çarîk fînaLê de dê bibe reqîbê Swîsreyê.
.

Baran hebû, zîpik hebûn û di dawiyê de 2 gol hebûn
Maça Almanya û Danîmarkayê li Stada Dortmundê hate lîstir. Maçek ecêb bû, bi golên xwe jî, golên hatin betalkirin jî û helbet bi baranê xwe jî.
Maç bi heyecan û bi tempoyeke bilind dest pê kir. Lê dema deqe hat 35'an vê carê baranê tempoya xwe bilind kir; wisa baran hat barî, hêkam Michael Oliver ji mecbûrî maç betal kir. Lîstikvan çûn hundir ku li benda sekinîna baranê bûn, lê vê carê zîpîk barîn. Piştî baran û zîpik rawestiya maçê ji nû ve dest pê kir. Lê di 10 deqîqeyên mayî de hes û hewar ji golê nehat.
Nîveka duyemîn jî bi lezgînî dest pê kir. Di deqîqeya 48'an de Danîmarkayê bi Andersenî golek avêt lê piştî lênêrîna VAR'ê gol wekî ofsayt bû û hat betalkirin. Vê carê di deqîqeya 53'yan de gog bê hemdî li destê lîstkvanê Danîmarkî ket û penaltı: Lîstikvanê alman Havertzî ew veguhart golê: 1-0. Di deqîqeya 68'ê de Musiala derket ser dikê û encam diyar kir: 2-0,
Bi vê yekê Almanya derket çarîk fînalê û li bendê ye ku ji maça Spanya-Gurcistanê kîjan bi ser bikeve ku bibe reqîbê wê.

Not: Li Tirkiyeyê TRT maçan yekser belav dike.