Li Erdîşa Wanê ji bo Cejna Zimanê Kurdî îro mîtîngek li dar ket. Hevserdevkê Komîsyona Ziman û Çandê ya DEM Partî Heval Dilbihar bangî hemşaredar û siyasetmedaran kir, "Li Kurdistanê kurdî bikin zimanê sereke, bikin zimanê siyasetê, bikin zimanê xizmetê, bikin zimanê civakê."
Mîtîng li Taxa Sahil Kentê bi diruşma “Her dem Kurdî her der Kurdî" li dar ket.
Hevserokê DBP'ê Keskin Bayindir, Hevşaredara Bajarê Mezin a Wanê Neslihan Şedal, mebûsê DEM Partî Mahmut Dindar, Hevserdevkê Komîsyona Ziman û Çandê ya DEM Partî Heval Dilbihar beşdarî mîtîngê bûn.
Dilbihar di mîtîngê de axivî, li ser girîngiya ziman sekinî û got, "Em bang li hemû hevşaredarên xwe, hemû parlementerên xwe, hemû rêveberên partiyên siyasî dikin, em dibêjin zimanê kurdî li Kurdistanê bikin zimanê sereke, bikin zimanê siyasetê, bikin zimanê xizmetê, bikin zimanê civakê, bikin zimanê jiyanê. Me li ser rêya azadî gelek şehîd dan, lê em nahêlin zimanê kurdî şehîd bikeve."
Dilbihar got ku "bila sond be emê têkoşîna zimanê kurdî li her derê bilind bikin" û wiha got "Bila dinya alem bibihîze, bila desthilatdarên hov bibîhîzin, em kurd in, rind in, serbilind in, zimanê me kurdî ye, welatê me Kurdistan e. Em bi zimanê kurdî serbilind in, her bijî zimanê kurdî."
***
Hin nûçeyên Eleqedar:
- 'Em ji mala xwe dest pê nekin, em nikarin ji kesî gazin bikin'
- 'Em zimanê zikmakî di nava qalibê pîrozbahiyê de nefetisînin'
- Îro li 14 bajaran çalakî hebûn
- Bakirhanî ji Meclisê bo kurdî bang kir
.jpg)
