Ji bo rojê nata dawî:
Wekî her salê îsal jî Newroza Amedê bi heybet bû. Dor mîlyonek kesî beşdarî Newrozê bû. Ji bilî beşdariya mezin, du tiştên din jî derketin pêş: Axaftina Bakirhan ku bi 6 xalan bang kir û beşdariya Leyla Zana ku got "Ez li vir im".

* 

Di Newrozê de hunermend Mîkaîl Aslan, Emel Matlouthi, Arhat, Faraj Ali Pour û Xezel Mistefa bi hunera xwe coş dan gel. 
*

BAKIRHAN BANGA YEKÎTIYA NETEWEYÎ KIR

Bakirhan bi 6 xalan bang kir

*

ZANA: EM ÎRADEYA XWE NADIN KESÎ
Siyasetmedar Leyla Zana jî beşdarî Newroza Amedê bû. Zana li Newroze axivî. Zana li ser xebatên aştî û çareseriyê sekinî û ji gel pirsî, "Carek din ji bo vekirina vê rê yê hûn amade ne?". Girseyê bersiva "Erê" da.

Zana qala têkoşîna Mele Mistefa Barzanî kir û gotin anîn ser têkoşîna Bakur û got, "Em bi fikra kî hişyar bûn? Ez ji we re dibêjin, em bi felsefeya Serok Apo û bi fikrên wî hişyar bûn."

Zana li ser hilbijartina 31'ê adarê jî axivî û got, "Ev hilbijartin ne tenê hilbijartina şaredaran e. Partiya desthilatdar bi mejiyê me henekên xwe dike. Dibêjin 'Kirinên ku em bi kurdan dikin jê razî ne loma kurd îrada xwe bi me ve parve dikin, deng didin me.' Em jî dibêjin na, emê îrada xwe ji bo xwe bikar bînin." 
*

PEYAMÊN OCALAN XWENDIN
Li Newroza Amedê peyamên Rêberê PKK'ê Abdulah Ocamar ên salên borî şandibûn hatin xwendin. Berdevkê HDK'ê Cengiz Çiçek ew peyamên Ocalan xwendin. 
*

BERENDAMÊN AMEDÊ: EM KAYÛMAN DIŞÎNIN

Berendamên Şaredariya Bajarê Mezin a Amedê yên DEM Partî Serra Bucak û Dogan Hatun li şahiya Newrozê derketin dikê û silav li gel kirin. Bucak got, "Bila ev Newroz bibe gavek ji bo yekîtiya kurdan. Bila bibe sedema çareseriyeke mayinde."

Dogan jî got, "Roja 31'ê adarê emê xwedî li sindoqên xwe derên. Emê wisa bersivek bidin dagirkeran ku carek din nekarîn dest bidin vîna me. Baweriya me bi gelê me ye." 
*

KIŞANAK: NIHA DEMA DEM'Ê YE
Berendama Şaredariya Bajarê Mezin a Enqereyê  ya DEM Partî Gultan Kişanak peyam şand Newroza Amedê. Kişanak a girtî di qeyama xwe de got, "Jiyan wê bi ser bikeve, azadî wê bi ser bikeve, Newroz wê bi ser bikeve. Niha DEM dema bi serxistina jiyan û azadiyê ye. Em li vir bûn, em li vir in û em ê her dem li vir bin" 
*

BAKIRHAN QURNEFÎL DANÎN BER FOTOYÊ KORKUT
Hevserokê DEM Partî Tuncer Bakir û rêveber û mebûsên partiyê pêşî çûn cihê ku ciwanê kurd Kemal Kurkut lê hatibû kuştin. Korkut di sala 2017'an de li wir ji aliyê polîsan ve hatibû kuştin. Bakirhan û kesên pêre qurnefîl danîn ber fotoyê Korkut ku li wir danîbûn û bi vî awayî ew bibîr anîn. Paşê derbasî nava qadê bûn.

*
(Foto: MA)

*
AMED

Li Baglara Amedê, li qada Newrozê, şahiya mezin, şahiya Newrozê dest pê kir. Newroza îsal bi diruşma "Rabe dema azadî û serkeftinê ye" li dar dikeve.
Îro ligel ku li Amedê şilî heye jî gel berê xwe daye qada Newrozê. Li 6 aliyan ve ketina nava qada Newrozê cih heye û li her aliyan lêgerîn heye.
Li qadê wêneyên mezin ên Kemal Kurkut, Denîz Poyraz û Jîna Emînî hatin daliqandin.

***

Nûçeyên Eleqedar:

- NEWROZ pîroz bo/be 

- Weşanxaneyên kurdan ji bo Newrozê kampanyaya erzaniyê 

- Hevserokanê DBP û DEM Partî qeybî Newrozê Amedî veynda 

- Piştî taloqkirinê roja Newroza Cizîrê diyar bû 

- Li bajar û navçeyan bi sed hezaran kes li qadan bû

- Li ser Sûran bi erbena û meşaleyan Newroz pîroz kirin 

- Bajar bi bajar hunermendên wê beşdarî Newrozê bibin   

MAIL: diyarname@diyarname.com