Diyarname

Îro li gelek bajar û navçeyan pîrozbahiyên Newrozê hebûn. Ji bo îro pîrozbahiyên herî mezin li Stenbolê û Wanê bûn.

STENBOL

Ji bo Newroza Stenbolê nîvro gel herikî qadê. Saet wekî 1'ê nîvro hatibû diyarkirin. Ji zarokan heta mezinan gel wekî lehî herikî. Bi kincên neteweyî, bi rengên kesk û sor û zer, bi formayên Amed Sporê ger herikî qadê. Car caran polîsan zor dida girseyê, pêşî li wan digirt jî. Dikir xelk bêzar bibe û vegere; lê gel her herikî qadê. Û di dawiyê de sed hezaran ji qada Yenîkawiya Zeytînbûrnûya Stenbolê silav şand bajarên din.

Berendamên DEM Partî yên ji bo Şaredariya Bajarê Mezin a Stenbolê Meral Daniş Bşetaş û Murat Çepni derketin ser dikê û axivîn. 

Hevserokê DEM Partî Tuncer Bakirhan got ku dê gelê me yê beşdarî Newrozê bûne encama 31'ê adarê diyar bikin û got, "Emê li her derê bimeşin serketinê. 31'ê adarê emê kaYûman bişînni mal. Stenbol Tirkiye ye. Hem li Tirkiyeyê, hem li Kurdistanê bi piştgiriya we emê li her derê li rêveberiyê bin, emê bi rê ve bibin."

Ji komên muzîkê Golgedekiler, Murat Demir û Mîkaîl Aslan derketir ser dikê û stranên xwe pêşêş kirin.

Di dema belavkirina gel de polîsan êrîşê gel kir. Nûçegîhanên Bîanetê Tugçe Yilmaz û Ali Dinç rastî şîdeta polîsa hatin. Polîsan kir ku nûçegihan Aren Yildirimî jî binçav bikin.

WAN

Li Wanê gel li ber Kelehay Wanê hat ba hev. Bi sed hezaran kesî qad dagirt. Coşa Newrozê bi ser kelehê re xwe gihand bajarên din. Berendama Hevşaredariya Bajarên Mezin a Wanê Neslihan Şadal got, "Em bi agirê Newrozê her roj têkoşîna xwe bilinditir dikin. Em ji vê qadê soz dikin, emê kayûman bişînin mal û bajarên xwe azad bikin. Em ji niha de serketina 31'ê adarê radigihînin."

Berendamê Hevşaredarî ê din Abdullah Zeydan jî got, "Newroz azadî ye, aştî ye. Ev qad nîşan dide ku hevrêyên Kawa dibêjin em li vir in, em li ser lingan in û em azadiyê dixwazin."

CULEMÊRG

Li Culemêrgê li ber quntara Çiyayê Simbilê gel hat ba hev û Newroz pîroz kir. Lawje bi stranên xwe coş da gel.

Dîsa ji bajarên kurdan li Şirnexê, Dîlokê gel hat ba hev û Newroza xwe pîroz kir.

Li Xelfetî û Sêwrega Rihayê, li Giyadîna Agirî, li Stêwr, Kerboran, Şemrex û Dêrikê, li Bismila Amedê agirê Newrozê hat pêxistin. 

Ji bajarên Tirkiyeyê li Îzmîrê, li Kocaelî û li Osmaniyeyê jî pîrozbahiyên Newrozê hebûn.

(Foto ji Newroza Stenbolê ye)

***

Nûçeyên Eleqedar:

- Li ser Sûran bi erbena û meşaleyan Newroz pîroz kirin 

- Bajar bi bajar hunermendên wê beşdarî Newrozê bibin