Diyarname

39 partî, rêxistin û derdorên li Stenbolê bi duxayaniyeke nivîsî êrîşa li ser Rojava, bi tyabetî êrîşa li ser kuştina Hevseroka Kantona Qamişlo Yusra Derwêş û hevalên wê şermezar kir.

Di daxuyaniyê de hat gotin ku êrîşên li ser gelê kurd û siyaseta ku pirsgirêkan kûrtir dike, bi vê re li herêmê pevçûn, neyartî, hêrsê bilindtir dike û ev yek gelên ku mecbûr in bi hev re bijîn wan ditirsîne.

Hat gotin ku Polîtîkaya Tirkiyeyê ya Sûriyeyê zirarek mezin dide gelên Tirkiyeyê û ev yek lê hat zêdekirin; “Tenê baronên şer hêviya wan ji pevçûn û êrîşan heye. Tu berjewendiya Rojhilata Navîn û gelên Tirkiyeyê di politîkaya şer de nîn e û dê nebe jî. Ji bo gelên Rojhilata Navîn di nav aştiyê de bijîn Tirkiye dikare gavan biavêje, dikare vî şerî ji holê rake û pêşerojeke aştiyane, însanî ava bike. Banga me ew e ku ligel hemû hêzên siyasî yên li herêmê bingeheke muzakereyê bê sazkirin û dest ji siyaseta êrîşkar û leşkerî bê berdan.”

Di daxuyaniyê de hatiye gotin ku ew ên ku ev metin îmze kirine di serî de Rojava, dixwazin li hemû erdnîgariya Rojhilata Navîn politikaya çek, şer, operasyon û mirinê bê betalkirin, ji dêvla vê aştî, biratî, muzakere û jiyaneke demokratik bê avakirin.

Ên ku metin îmze kirine ev in:

Yeşil Sol Parti Stenbol, HDP Stenbol, HDK İstanbul, EHP Stenbol, TİP Stenbol, TOP Stenbol, EMEP Stenbol, ESP Stenbol, Devrimci Parti Stenbol, SYKP Stenbol, DBP Stenbol, SODAP Stenbol, İstanbul Halkevleri, Kaldiraç, Alinteri, Partizan, Komun Dergi, KOZ, ANYAKAY-DER, MATUHAD-DER, OHD İstanbul, Goç İzleme Dernegi, Sosyalist barikat - Emek ve Ozgurluk cephesi (EOC), Demokrasi için Birlik(DİB), 78’liler Girişimi, Dev Yapı İş. Disk Limter İş, Devrimci Kultur ve Dostluk Dernegi, Dostluk ve Kultur Dernegi(DKDER), Dogu ve Guneydoğu Dernekleri (DGD) Platformu, Patnos Dernekler Federasyonu, KAR-DEF, Adiyamanlilar Derneği, Avrupa Yakasi Bismilliler Dernegi, Igdir Dernekler Federasyonu, Van-Fed, Mûş Dernekleri Federasyonu, Akçaburgaz Dogu ve Guneydogu Derneği, KAYY-DER