Diyarname
Hevserokên HDP'ê Pervin Buldan û Mithat Sancar vê êvarê beşdarî Medyahaber TV bûn. Buldan û Sancar gotin di kongreyê de dê carek din nebin berendam.
Va ne ji gotinên wan çend not:
- Buldan: Ez bi awayekî zelal vê dibêjim, di hilbijartinê de me xwe negihand hedefa xwe. Helbet ev meseleya xwerexneyî ye.
EM BI SER NEKETIN LÊ EM TÊK JÎ NEÇÛN
- Sancar: Wekî Yeşil Sol Partî em negihand asta dengên me dixwest. Ji vî alî ve em xwe ne serketî dibînin lê têkçûneke jî li holê nîn e. Ji bo tasfiyekirina siyaseta demokratîk her tişt kirin. Beşdarbûna hilbijartinê bi xwe jî bi tena serê xwe gelek girîng e. Me ev astengî şikand, em ketin hilbijartinê.
- Buldan: Me dît ku me kampanyaya xwe baş nemeşandiye. Me xwe negihand derdorên devreyî me, em mezin nebûn. Kêmasiya me çêbû ku me derdorên cuda negirtin nava xwe. Mînak ermen, êdî, astengbar, nebûna van kêmasî bû.
REXNE Û MESELEYA HEVSEROKATÎ
- Buldan: Roja piştî hilbijartinê me eşkere kir ku emê kongreya partiyê saz bikin. Ji ber em negihîştin hedefên xwe me got emê ligel lijneyên xwe biaxivin û ber bi kongreyê ve herin. Li her qada vê têkoşînê çi bar bikeve ser milên min ez amade me bikim, lê ez hemû rexneyan digirim ber çavan û di vê kongreyê de peywira hevserokatî bi hezkirin didim hevalek din. Di pêvajoya kongreyê de ezê li tu mekanîzmaya biryaran digire de cih negirim.
- Buldan: Di vê kêliyê de barê ser milê me yê ku divê hesabê bide heye. Em bernadin û naçin, pêşî emê hesabê birin. Emê hesabê birin gelê me, alîgirên me, hesabê bidin jinan. Bi ya min meseleya girîng ev e.
MESELEYA BERENDAMTIYA SEROKOMARÎ
- Sancar: Demirtaş hevalekî me yê gelek bi qîmet e, hevrêyê me ye. Ne tiştek rast e em niyeta wî bigirin bin lêpirsînê. Ligel hemû hevalên me ji bo em partiyê ber bi asteke baştir ve bibin em ketin têkiliyê. Eiqûqî hem çûn serdena Demirtaş, got astengiya wî ya hiqûqî heye, paşê ji bo çapemenî jî ev eşkere kir. Paşê em çûn Kandira û me pêşniyarên Figen Yuksekdag û Gultan Kişanak jî girtin. Pêşniyara ger em berendamek nîşan bidin bila jin be. Li lijneyên xwe me ev pêşniyar nirxandin. Di kêliya dawî de meyl ber bi berendameke jin ve çû. Me ev ragihand Demirtaş û wî jî piştgirî da vê yekê.
'ME GUH NEDA DENGÊ GELÊ XWE'
- Buldan: Me ev pêvajo baş bi rê ve nebir. Yan na li Tirkiyeyê îtîfaq her çêbûne, serketine yan neketine. Di vê demê de îtîfaqeke ji bo têkoşînê lazim bû, bingehek wisa lazim bû. Dema me ev îtîfaqa Ked û Azadiyê saz kirin, ku ligel partiyên kurdan jî jixwe îtîfaqa me hebûn. Vê îtîfaqê sînerziyek derxistibû holê, di dema nasandina Îtîfaqa Ked û Azadiyê de morelek mezin da Tirkiyeyê. Ez hê jî dibêjim ev îtîfaq gavek rast e, divê bidome, hevkariya têkoşînê ye, wekî îtîfeqek têkoşînê di dema pêşiya me de jî berdewamkirina wê gelek girîng e. Rewşeke ku baş nehatiye bi rê ve birin heye. Belkî me guh bida gelê xwe, wekî îtîfaqeke hilbijartinê dewam bikira yan na. Îtîfaqa ji bo têkoşînê cuda ye, ji bo hilbijartinê cuda ye, loma jî di warê îtîfaqa hilbijartinê de kêmasiya me ya mezin ew e ku me guh neda dengê gelê xwe
HILBIJARTINA HÊRÊMÎ
- Buldan (Li ser pirsa kabîneyê): Di kabîneyê de kesên nerm hene lê bi ya min ev kabîne bi hilbijartina herêmî ve eleqedar e. AKP bi hemû hêza niha ji bo hilbijartina herêmî kom dibe. Ji bo hemû bajaran bi dest bişe dê bixebite. Li hemberî vê hilbijartina herêmî ji bo me jî gelek girîng e. Em wekî partiyek ku sê dem e kayûman dişînin ser şaredariyên me, gere em jî bi rihek mezin ji bo bi serketina hilbijartina herêmî bixebitin. Pêvajoya kongreyê çawa biqede gere em dest bi xebata hilbijartina herêmî bikin.
**
Nûçe û nivîsên eleqedar:
- Demirtaş: Min xwest bibim berendam, Navenda Giştî red kir
- Demirtaş: Vê kêliyê ez dest ji polîtîkayê ber didim
.jpg)
