Diyarname
KONDA'yê li ser kurdan lêkolîneke din kir. Li gor vê hejmara kurdan wisa derket holê:
Şîrketa lêkolînê KONDA ku di sala 2006'an de lêkolîneke fireh kiribû careke din lêkolîna xwe dubare kir û encamên lêkolîna niha da ber ya berê. Li gor lêkolîna nû hejmara kurdan li Tirkiyeyê û li bajarên kurdan digihîje 13 mîlyon 261 hezar kes.
Lêkolîn li ser navê KONDA'yê bekir Agirdir û Eren Pultar amade kiriye. Vane ji lêkolênî hin agahî:
- Hejmara tirkan, kurdan û etnîkên din:
Bi ser sal3en 18 re hejmara komên etnîkî yên li Tirkiyeyê: Tirk sedî 76,74, kurd û zaza (lêkolînê ev her du hem cihê kirine, hem jî ser hev de hesabkirine) sedî 14,74, komên din ên etnîkî: sedî 8,5.
Di lêkolîna KONDA ya 2006'an de rêjeya kurdan sedî 13.4 derketibû, niha ev derketiye 14.7. Tê gotin ku niha ji ber mirovan zêdetir bi hêsanî karîne bibêjin 'ez kurd im' hejmar bilind bûye.
Li gor daneyên TUÎK'ê li Tirkiyeyê sedî 67.1 mirov kamilbûyî ne û sedî 32.9 zarok têne hesibandin. Li gor vê ev encam derdikeve: Tirk bi sedî 73.6, 53 mîlyon û 377 hezar. Kurd bi sedî 18.3 hejmara wan wekî 13 mîlyon û 261 derdikeve, komên din ên etnîkî bi sedî 8,2 hejmara wan wekî 5 mîlyon û 915 hezar hate diyarkirin.
- Zimanê zikmakî:
Di vê xalê de sedî 84 kesî gotiye zimanê min ê zikmakî tirkî, sedî 12.7 gotine kurmancî (lêkolîn kurdî gotiye) û sedî 1.4 gotiye zazakî.
- Rewşa perwerdehiyê:
Di nav tirkan de yên ku qet perwerdehî nedîtiye rêje sed3i 6,5, di nav kurdan de ev sedî 26 e. Di nav tirkan de sedî 13.3 kesî zanîngeh û dibistanên jê jortir xwendine, di nav kurdan de ev rêje sedî 7,3 ye.
- Kar û xebat:
Di nav tirkan de sedî 42 xwedî kar in, di nav kurdan de ev rêje sedî 40.3 e. Di nav tirkan de sedî 11,8 betal hene, di nav kurdan de sedî 18.
Ji tirkan sedî 14.2 teqawit (malnişîn) bûne, di nav kurdan de ev hejmar sedî 4,6 e.
Dîsa di nav tirkan de sedî 61.5 jin kevaniyên malê ne, karek din nakin, di nav kurdan de ev rêje sedî 75,3 ye.
- Hatina malê
Li nav tirkan sedî 28 mehê di navbera 300-700 TL'yî de pere kar dikin. Sedî 34 di navbera 701-1200'î de pere kar dikin û sedî 10 jî di nav du komên ku zêde pere kar dikin de ne.
Di nav kurdan de sedî 17.1 mehê 300 TL yan jî jê kêmtir kar dikin. Sedî 61 mehê di navbera 300-1200'î de pere kar dikin. Sedî 7'ê kurdan jî di nav du komên ku zêde pere kar dikin de ne. Yê tenê sedî 4.8'ê wan kêmî 300 TL'yî pere kar dikin.