Diyarname

Lîstikvana boleybolê ya îtalyan Julia Ituma piştî lîstina maçê ji qada 6'an a otela lêmayî xwe avêtiye û miriye. Îdîa ew e. Rastî çi ye? Hê kes nizane.

Em ji serî dest pê bikin: Igor Gorgonzola Novara tîmeke boleybolê ya îtalyan e. Tîma wê ya jinan Igor Gorgonzola Novara roja 12'yê mehê li Stenbolê ligel tîma Eczacibaşı Dynavitê list. Di Lîga Şampiyonan a CEV'ê de maça nîv fînalê bû. 

Eczacibaşi di maça yekemîn de bi 3-2 têk çûbû, di rovenşê de set neda reqîbê xwe û bi vî awayî derbasî fînalê bû. Heta vir her tişt normal bû. Tîma vegeriya otela lê mayî. Roja din, yanê 13'yê mehê tirmê lîstikvana tîma Igor Gorgonzola Novara a bi navê Julia Ituma li ber otelê hat dîtin.

MIRÎ HAT DÎTIN

Hat gotin ku ji pencereya qada şeşan ketiye û miriye. Bedenê wê bê liv û tevger serê sibê saet 05.30 de hatiye dîtin û gazî polîsan kirine. Di dîmenên nav otelê de saet navbera 22.30-23.50 de tê dîtin ku li korîdorê otelê digere û paşê diçe odeya xwe. Ji wê kêliyê heta serê sibê êdî dîmen nîn e.

Julia Ituma kî ye?

LÎSTIKVANA HERÎ SERKETÎ

Lîstikvan Julia Ituma di sala 2004'an de li Milanoya Îtalyayê hatiye dinê. Bi eslê xwe ji Nîjeryayê ye. Ituma bi bejna 1.92 û bi bedena xwe yeka xurt bû, di U19 Şampiyoniya Ewropayê de bi ser ketibû. Ev tûrnûvaya ku par di meha rezberê de li dar ketibû wekî Lîstikvana Herî Serketî ya U19 Şampiyoniya Eqropayê hatibû hilbijartin.

ÇIMA?

Lîstikvaneke wisa serketî, pêşî vekirî dê çima întîxar bike? Kes nizane. Diya wê ji bo rojnameya la Repubblicayê axiviye û gotiye, "Keça min gelek bi hêz bû. Ez naxwazim bawer bikim ku xwe ji pencereyê avêtiye." Di heman demê de gotiye ew dixwaze cihê keça wê li erdê hatiye dîtiye binêre û di heman demê de dosyaya lêpirsînê bibîne.

Diyaê Anna Elizabeh gotiye ku hefteya borî ew û keça xwe di Paskalyayê de hatine ber hev û keça wê gelek dilşad bû.