Diyarname
Ji bo Heskîf noqav nebe Neyzenê navdar Mercan Dede jî îmzeyek avêt bin metna piştgiriyê.
Hunermendê muzîka teknoyê DJ Arkin Allen ku wekî Mercan Dede tê nasîn beşdarî kampanyayê Komeleya Xwezayê ya ji bo rizgarkirina Heskîfê bû.
Heta niha 89 hezar kesî îmze avêtiye bin metna rizgarkirina Heskîfa bi dîroka xwe 10 hezar salî. Komeleya Xwezayê ji bo Newala Dîcle ku Heskîf jî têde bikeve nav Lîsteya Mîrateya Çandî ya Dinyayê ya UNESCO'yê îmzeyan berhev dike.
Vê carê hunermend Mercan Dede bi îmzeya xwe piştgirî da. Dede wisa got: "Mîrateya çandî ne tenê ê miletekê, emanetê hemû mirovahiyê ye û ev emanet dema Heskîf be cihê wê qet nayê dagirtin. Qîmeta vir bi pere, pûl û bi planên nayên zanîn çi ne nayê weznandin. Ji her tiştî wêdetin ger carekê têk çû careke din qet bi paş ve nayê. Heskîf ne tenê mîrateya paşerojê, mîrateya ji kalên me haye, ew di heman demê de xwezîneyeke ku me ji zarokên xwe yê pêşerojê deyn kirin û divê bi heman awayî em teslîmê wan bikin. Di bin navê globalbûnê de me xwezaya ku xerc kiriye vê carê bi "av anînê" em dadigirin. Heskîf yê me hemûyan e. Heskîf yê hemû mirovahiyê ye û emanetê bi hezaran salan e, xezîneya bi hezaran salan a pêşerojê ye. Ger li hemberî têkbirina wir em bêdeng bisekinin, ev dê bê vê wateyê ku em li hemberî têkçûna parçeyeke mêjiyê xwe bêdeng disekinin. Em hemû bi hev re emê Heskîfê biparêzin, em her yek parçeyeke wê ne. Nefesê ku em pê neya xwe pif dikin nefesê Heskîfê ye."
Heta niha gelek hunermendên wekî Tarkan, Kibariye, Yildiz Kenter, Şivan Perwer, Sezen Aksu, Erkan Ogur, Musa Eroglu û Okan Bayulgen piştgirî dane Heskîfê.
***
Nûçeyên navdarên ku heta niha îmze avêtine bin kampanyayê:
- Okan Bayulgen: Heskîf tiştanokek e
- Musa Eroglu: Bila dîroka şaristaniyê têk neçe!
- Erkan Ogur: Hûn nikarin Heskîfê têk bibin!
- Şivan Perwer, Tarkan û Kîbariye jî piştgirî da Heskîfê
- Kenter: 15 hezar sal in ez li ser dika Heskîfê me
* Sezen Aksu: Ez li Heskîfê hatim dinê
Ji bo kesên bixwazin metnê îmze bikin:
http://hasankeyf.dogadernegi.org/
(Ji bo yên ku bi tirkî nizanin lê dixwazin îmze bikin: İsimi/Nav, E-posta/ E-mail, Meslek/Pîşe, Şehir/Bajar, İmzala/îmze bike)