Diyarname

Daîreya Feza û Hewayê ya Dewletên Yekbûyî yên Amerîkayê NASA piştî 50 salan carek din berê xwe da Hîvê. NASA'yê roketa herî xurt a dinyayê Artemîs ber bi hîvê de şand. Roketa ji Florîdaya DYA'yê hat firandin û bi vî awayî carek din rêwîtiya fezayê dest pê kir.

Bi vê xebatê NASA dixwaze li hîvê mayinde be û ji bo di pêşerojê de ji bo Marsê rêwîtî çêbin jî dê amadehiyan bike. Artemîs navê xwişka Apollonê di mîtolojiya yewnanan de ye û niha ew nav li vê roketa ku firandin kirin.  Bi hezaran kes çû temaşekirina firandina Artemîs 1'ê. Ger Artemis 1 bi ser bikeve, astronotên NASA'yê di sala 2024'an de dê bikaribin li dora hîvê bifirin û di sala 2025'an de dê xwe li Hîvê deynin.

Di meha gelawêjê de ji ber pirsgirêkên teknîkî, di meha rezberê de jî j ber Bahoza Ianê ev firandin hatibû bi paş ve xistin û îro ew firandin. Artemis 1 piştî 25 rojan roja 11'ê berfanbara 2022'yan dê xwe li Okyanûsa Pasîfîkê deyne.