Diyarname

Şaredarê Bajarê Mezin ê Amedê Osman Baydemîr li ser daxwaza girseya BDP'ê wekî Berendamê Şaredariya Bajarê Mezin ê Rihayê hat nîşandayîn. Berendamtiya Baydemîr û yên navçeyên din ên Rihayê ku hê nehatine eşkerekirin bi civîneke çapemeniyê vê hefteyê dê bê eşkerekirin.

Baydemîr ev du car e Şaredariya Amedê dike. Ji ber rêgeza BDP'ê ya "Şaredarek du caran bê hilbijartin cara sisêyan wekî berendam nayê nîşandayîn" Baydemîr careke din ji bo Şaredariya Amedê nîşan nedan. Lê ji ber daxwaza gel û derdorên saziyên sivîl berendamtiya Baydemîr ya ji bo Rihayê derket holê. Ocalan jî di hevdîtinên xwe yên dawî de gotibû "Ji bo hin îstîsnayan dikare cara sisêyan berendamtî çêbibe", BDP ket nav tevgerê. Komîsyona Hilbijartinê ya BDP'ê û rêveberiya navendî ji bo Baydemîr qanî bike ket nav tevgerê. Hefteya borî Baydemîr hat qanîkirin lê nehat eşkerekirin. Vê hefteyê bi civîneke çapemeniyê berendamtiya Baydemîr û navçeyên din ên Rihayê yên nehatine eşkerekirin dê bi civînekê bêne eşkerekirin.