Diyarname
Li Îngilistanê serokwezîra nû Liz Truss lijneya wezîran û tiştên ku dê bike eşkere kirin. Nedîm Zehawî ku kurdekî ji Başûr e bi Ji Wezîrê Dewletê yê ji Kordînasyonê Berpirs hat peywirdarkirin.
Piştî îstîfaya Boris Johnson roja 5'ê li nav Partiya Mihafezekar ji bo serokatî dengdan çêbû. Kesê/a biba serokê/a partiyê dê biba Serokwezîrê/a Îngilistanê jî. Loma girîng bû. Di dengdanê de Liz Truss 81 hezar û 326 deng girtin û bû Seroka Partiya Mihafezekar. Reqîbê wê Rishi Sunak 60 hezar û 399 deng girtin. Bi vî awayî Truss bi ser ket û di heman demê de bû Serokwezîra Îngilistanê jî. Ew bû sêyemîn jin ku dibe serokwezîra welat.
LIJNE HAT AVAKIRIN
Serokwezîra nû 7'ê mehê Lijneya Wezîran eşkere kir. Siyasetmedarê kurd ê ji Başûr Nedîm Zehawî ku heta niha di gelek karan de bi awayekî serketî peywir girtibû ser milên xwe, vê carê peywireke din a girîng da wî. Truss ew bi Ji Kordînasyonê Berpirs bi payeya wezîrî peywirdar kir. Di nav lijneya wezîran de ev payeyeke girîng e.
Yên di lijneyê de cih girtin ev in:
- Therese Coffrey, Tenduristî
- Kwasi Kwarteng, Maliye
- Wendy Morton, Xezîne
- James Clevery, Karên Derve
- Suella Braverman, Karên Hundir
- Brandon Lewis, Edalet
- Penny Mordaunt, Seroka Kamaraya Avam
- Lord True, Rêberê Kamaraya Lordan
- Chris Heaton-Harris, WezîRê Îrlandaya Bakur
- Michelle Donelan, Dîjîtal, Çand, Medya û Spor
- Anne-Marie Trevelyan, Ragihandin
- Ranil Jayawardena, Hawir, Xurek û Karên Gundan
- Kit Malthouse, Perwerdehî
- Chloe Smith, Xebat û Malnişînî
- Kemi Badenoch, Bazirganiya Navneteweyî
- Simon Clarke, Îskan
- Michael Ellis, Serdozger
- Jacob Rees-Mogg, Kar, Enerjî û Stratejiya Sanayî
KARÊN PÊŞÎN DEST BIAVÊJE
Wezîr Truss li ber Avahiya Downing St (Avahiya Serokwezîrî) daxuyanî da çapemeniyê û karên ku dê serî de dest biavêje wan û li ser bisekine eşkere kir.
Trussê got ku di serî de dê dest bi avêje qeyrana enerjî, aborî û pergala tenduristiyê. Trussê soza pêşxistina aboriyê jî da û got, "Welat dê ji bo her kesî bibe welatê ku bi hêvî di bendewariyê de ye."
GRÊDANA BI KRAL RE
Li aliyê din piştî mirine Elizabetha
'yemîn Kral Charles ê 3'yemîn derket ser texst. Wezîra Îngilistanê Liz Truss girêdana xwe ya bi Charlesê 3'yemîn eşkere kir. Trussê got, "Îngilistan bi xêrê Elizabehta 2'yemîn bûye welateke mezin" û paşê got, "Xwedê, Kralî biparêze."
