Diyarname
Sekreterê Giştî yê Neteweyên Yekbûyî (NY) Antonio Guterres li Şamê bi nûnerên 18 saziyên jinan ên Sûriyeyê re hat ba hev. Endama Komîteya Têkilî û Lihevkirina Siyaseta Demokratîk a Kongra Star Rûken Ehmed jî li ser navê Kongra Star beşdar bû.

Li gorî agahiyên ku Rûken Ehmed dane, berî niha 18 saziyên jinan wekî 3 kom xwe bi rêxistin kiribûn û di derbarê rewşa Sûriyeyê de civînên online pêk anîbûn. Van sê koman 3 name amade kiribûn û di civînê de her sê name hatin nîqaşkirin.

Name li ser rewşa jinan, aborî, edalet, rewşa civakî ya Sûriyeyê bûn. Her wiha di nameyekê de jî bal kişandine ser kiryar û binpêkirinên li dijî gelê Şêxmeqsûd, herêma peravê û gelê Siwêdayê. Dîsa mijara parastina mafê kurdan û rakirina encamên polîtîkayên Kembera Erebî di nameyê de hatine diyarkirin.

Antonio Guterres jî diyar kiriye ku dê li ser daxwazên di nameyan de rawestin. Her wiha ew jî dizanin ku beşdariya jinan di Hikûmeta Demkî ya Şamê de kêm e, di van mijaran de jî bi hikumetê re di nava nîqaşan de ne.

Her wiha Rûken Ehmed diyar kir ku Kongra Star jî nameyeke taybet daye Antonio Guterres.