Diyarname
Kedkara çapemeniyê Azê Keskîn canê xwe ji dest da. Wê bi salan ked dabû rojnameya Azadiya Welat.

Azê Keskîn di sala 1971'ê de hatibû dinê. Di sala 1992'yan de li Zanîngeha Stenbolê beşa rehberî û şêwirmendiya derûnî bi dest xistibû. Di van salan de li zanîngehê bi awayekî çalak di nav têkoşînê de cih girtibû. Ji ber van xebatên xwe di sala 1994'an de hatibû girtin û ew xistibûn girtîgeha Konyayê. Dûre li girtîgehên Uşak û Mûşê, bi temamî 10 salan girtî mabû û hatibû berdan. Piştî hat berdan li rojnameya Azadiya Welat dest bi kar kir. 4 salan ked da, lê mecbûr ma di sala 2008'an de derkeve derveyî Tirkiyeyê.

Azê Keskîn ji ber nexweşiya xwe zarokên xwe Arîn û Mîrana Zîn li dû xwe hiştin û vegeriya ser axa ku lê hatiye dinê. Nexweş bû. Dihat dermankirin. Ev yek 4 salan dom kir lê nekarî êdî ber xwe bide. Û roja 25'ê adara 2025'an li Amedê canê xwe ji dest da.