Diyarname
Mebûsê BDP'ê yê Culemêrgê Adil Kurt got: "Bila peyva 'Neteweyî' ya di Wezareta Perwerdehiyê de bê rakirin. Li Pakistanê sê zimanên fermî hene."

Li meclisê di nîqaşa butçeya Wezareta Perwerdehiya Neteweyî ya Tirkiyeyê ya 2012'yan de Kurt mafê axaftinê girt û got: "Bila peyva 'Neteweyî' bê betalkirin û wezareta bibe Wezareta Perwerdehiyê. Li Pakistanê jî sê zimanên fermî hene û bi van her sê zimanan perwerdehî dibe. Li Tirkiyeyê pêşîlêgirtina perwerdehiya bi zimanê kurdî çi fêdeyê dide Tirkiyeyê?."

Kurt li ser perwerdehiya heyî jî rexneyên xwe anî ziman û got: "Du zarokên min hene. Digel ku zarokên min ne tirk in jî çima hebûna xwe her serê sibê diyarî hebûna tirk bikin? Kîjan edalet, hiqûq, rêgeza mirovahiyê vê bi zarokên me dide kirin? Zarokên min dixwazin bi nasnameya xwe hebûna xwe bidomînin."

Mebûsê Blokê Levent Tuzel jî got ku di serdema AKP'ê de perwerdehî bûye qada ticaretê û hejmara dersxaneyên taybet derketiye du qatî.