Diyarname

21'ê Reşemiyê Roja Zimanê Zikmakî bû û ji bo vê rojê bi pêşengiya Tora Zimanê Kurdî, Enstîtuya Kurdî ya Stenbolê li ser Twitterê bi navê "#Herrojbikurdî" hashtag hat vekirin û di saetek de bi hezaran twîtên bi kurdî hatin belavkirin.

Bi sedan kesan bi twitên cur bi cur lê hemû bi kurdî piştgirî dan hashtagê û xwest her gav, li her derê, her kes bi kurdî biaxive.

Hêvî ew e ku bi gavên wisa hê zêdetir kurdî bikeve rojevê. Dema ev nûçe hat amadekirin li dor deh hezar twit hatibûn belavkirin.