Heta niha kurdan gelek zilm dîtiye, belkî yek ji zilmên mezin jî ew e ku cenazeyên zarokên wan di torbeyê de teslîmê malbata wan tê kirin. Ya herî dawî jî meseleya Hakan Arslan e. Hakan Arslan di dema bûyerên li Sûra Amedê de di pevçûneke de canê xwe ji dest da. Piştî 7 salan hestiyên wî roja 29’ê mehê di torbeyê de teslîmê bavê wî kirin. Nûçe Ajansa Mezopotamyayê belav kir. Û niha ew wêneyê ku Ali Riza Arslan di torbeyê de hestiyên kurê xwe hildabûn ji aliyê di hunermendên kurd ve bi şêweyekî din hat sakirin. Dîzaynkarê kurd Rêbiwar Perzînî dîzayneke hunerî da wêneyê, xêzkar Murat Îpek jî xêzek saz kir. Li aliyê din karîkaturîstê îtalî Gianluca Castantini jî li Stenbolê xêzek li ser dîwarekî çêkir. Em her sêyan li vir belav dikin.