3'yemîn Pêşengeha Rojava ya Hunera Şêwekariyê ku li bajarê Qamişlo hat organîzekirin, bi belavkirina xelatan bi dawî bû.
Hunera Şêwekariyê bi diruşma “Hunera gelan dengê berxwedana Efrînê ye” roja 18’ê gulanê ji aliyê Desteya Çand û Huner a Kantona Cizîrê ve hate vekirin.
Di pêşengehê de 125 tabloyên 47 şêwekarên ji herêmên Cizîr, Firat û Minbicê hatin daliqandin.
Di roja sêyemîn a pêşengehê de ango roja dawî de, bi dehan rewşenbîr, hunermendên şêwazkariyê û nûnerên Rêveberiya Xweseriya Demokratîk a Kantona Cizîrê amade bûn.
Desteya Çandê ya Kantona Cizîrê roja dawî xelat li şêwekarên beşdarî pêşangehê bûn belav kir û pêşangeh bi dawî bû.
ANHA/QAMIŞLO