Diyarname
Fîlmekî li ser Serokê DYA'yê George W. Bush bi navê "W" tê kişandin. Fîlm dê 17'ê rezberê de bikeve vîzyonê.
Fîlmê "W" ku derhêneriya wî xwediyê Oscarê Oliver Stone dike li ser jiyana Serokê Dewletên Yekbûyî yên Amerîkayê (DYA) Bush û serokatiya wî tê kişandin. Senaryoya fîlmê Stone û Stanley Weiser bi hev re nivîsandiye.
Di rola Bush Josh Brolin derdikeve pêşberî kamerayê. Her wiha Elizabeth Banks (di rola jin Buhs Laura Bush de), Thandie Newton (rola Wezîra Karên Derve ya DYA'yê Condoleezza Rice), Ioan Gruffudd (rola Serokwezîrê Îngilistanê Tony Blair), Richard Dreyfuss (rola Dick Cheney), James Cromwell (rola Bav Bush), Scott Glenn (rola Donald Rumsfeld), Ellen Burstyn (rola Dayik Bush), Noah Wyle (rola Donald Evans), Jeffrey Wright (rola Colin Powell), Rob Corddry (rola Ari Fleischer), Toby Jones (rola Karl Rove) û Jennifer Spies (rola Susie Evans) dilîze.
Fîlmê dê berî hilbijartina li DYA'yê bê nîşandayîn. Fîlmê ku ji sê beşan pêk tê di beşa yekem de li ser ciwaniya Buhs, beşa duyem de dê ji guherîna wî ya şexsî û derketina ji bin siya bavê xwe nîşan bide û di beşa dawî de jî dê li ser dagirkirina Iraqê raweste.
Josh Brolin ku dê rola Bush bilîze ji bo rola xwe bi mehan li ser devoka Teksasê ya herêmî xebitî. Brolin gelek caran li rezervasyonên otelên li Teksasê geriya û kir ku devoka wan hîn bibe, dîsa ji bo meşa wekî Bush jî gelek xebitî.
Derhêner Oliver Stone berî kişandina fîlmê "W" dikir ku li ser Komkujiya My Lai ya li Wîetnamê ku artêşa DYA'yê pêk anî bisekine û fîlm bikişîne lê nebû. Fîlmê ku navê "Pinkville" lê kiribû ji ber greva senarîstên DYA'yê her wiha ji ber ku serlîstikvan Bruce Willis jê vekişiya betal bû.
Oliver Stone li ser vê yekê vê carê berê xwe da fîlmê li ser jiyana Buhs. Stanley Weiser berê li ser jiyana Bush pêşnûmayeke senaryoyê amade kiribû û vê carê derhêner Stone û Weiser li ser vê pêşnûmayê sekinîn, dûre li 17 pirtûkên ku li ser Buhs hatine nivîsandin mêze kirin û senaryo temam kirin.
Fînansmanê "W" hin fonên Çîn, Almanya û Avustaryayê digirin ser milê xwe.