Diyarname

20'emîn Festîvala Çand û Xwezayê ya Mûnzûrê divê îro dest pê bikira lê hat betalkirin. Walîtiya Dêrsimê hin çalakî qedexe kiribûn, komîteya amadekar jî ji ber van qedexeyan biryar da ku bi temamî festîvalê betal bike. Festîval îsal 20'emîn car dê di navbera 21-24'ê mehê de li sar biketa lê hat betalkirin.

Ji bo daxuyaniya betalkirina festîvalê gelek kes li Kuçeya Hunerêhatin ba hev. Mebûsên HDP'ê Ayşe Acar Başaran, Alican Onlu, Pêro Dundar jî di nav de gelek kes bi diruşma "Festîval a gel e, nikare bê qedexekirin", "Dêrsim rûmet e, xwedî li rûmeta xwe derê", "Li hemberî faşîzmê mil bi mil" heta Meydana Seyîd Riza meşiyan. Li ser navê Komîteya Amadekar a Festîvalê Orhan Çelebî (Hevşaredaê Bajaroka Perî yê ku ji peywirê hatibû girtin) axivî û got ku bernameya ku wan amade kiribû û dabû walîtî bi her alî ve yek bû, ziman, çand, bawerî û parastina xwezaya Dêrsimê nîşan dide, bi wê perspektîfê hatibû amadekirin. Çelebî got ku Walîtî bi sedema stad di tadîlatê ye, pansiyon ji bo amadehiya perwerdehiya sala bê di tadîlatê de ne destûr nedan, dîsa meşên ku ji bo li hemberî asîmîsalyon-xurifîn-komkujiya xwezayê emê bimeşiyana hatin deqexikirin, dîsa destûr nedan konserên Grup Yorum û Grup İsyan Ateşi, loma jî bi temamî qedexe aniye ser festîvala me.

Şaredarê Dêrsimê Fatih Mehmet Maçoglu jî got ku ew wekî "festîval hat betalkirin" na, wekî "hat qedexekirin" vê rewşê dibînin.

Mebûsa HDP'ê Ayşe Acar Başaran jî got ku dixwazin kes li hemberî polîtîkayên asîmîlasyonê deng der nexin, dixwazin siyaseta yek ziman, yek milet, yek ol bidomînin ji bo vê festîval qedexe kirin.

Di dawiya axaftinan de hat diyarkirin ku ji ber qedexeyên ku Walîtiya Dêrsimê danîne pêş festîvalê wan festîval betal kiriye.

3 ŞAREDARAN DAXUYANÎ

Li aliyê din Şaredariyên Ovacix, Hozat û Pertekê daxuyaniyeke belav kirin û gotin ku ew beşa festîvalê ya van navçeyan didomînin. Şaredariyan gotin ku ligel Şaredarê Dêrsimê me 19'ê mehê biryar dabû ku çi dibe bila bibe em festîvalê saz dikin, lê îro biryara betalkirinê hatiye, em vê yekê qebûl nakin.

***

Nûçeya Eleqedar:
- Bernameya Festîvala Mûnzûrê bi vî rengî bû