Enqere
Cîgirê Serokwezîr Beşir Atalay tevî mebûsê AKP'ê yê Enqereyê Yalçin Akdogan, li meclisê çû serdana Hevserokê BDP'ê Selahattin Demirtaş.

Li gor agahiya ji BDP'ê hate kirin, Atalay di serdana xwe de der barê xebatên erdhejê yên li Wanê de agahî daye Demirtaş.

Demintaş jî "qala kêmasiyên xebatên li ser erdhejê kiriye" û
 rexne li hikumetê kiriye.

Demirtaş ji Atalay xwest ku nebûna kordîneya di navbera Walîtiya Wanê û Şaredariya Wanê de bê rakirin û kordîne bê sazkirin.
Atalay jî li ser mijarê gotiye ku ewê waliyê Wanê hişyar bike.

Di vê navberê de AFAD'ê (Rêveberiya Rewşa Lezgîn û Afetê ya Serokwezîriyê) dagihand ku li gor saet 19.00'an a 25'ê mehê hejmara miriya gihîştiye 459'an û hejmara birîndaran jî gihîştiye 1352'yan.