Zekî Ozmen

Şerê YPG´ê û pêşmergeyan yê li dijî DAIŞ´ê ku ketiye rojeva cîhanê, êdî wekî lîstikên telefonê jî dikarin were daxistin.  Li ser Google Play Storê ji bo telefonên bi pergala Androîd dixebitin lîstikên wekî ya  bi navê "YPG Shoot Terrorist" heta niha zêdeyî 10 hezar caran hatiye daxistin. Sepana ku dişibe lîstika navdar a klasîk "Super Mario", taybetî bi  fîgûrên ku wekî DAIŞ´ê hatine sembolîzekirin balê dikişîne ser xwe. DAIŞ dişibe fîgurên wehşan û şervanekî YPG'ê yê lihevhatî di vê lîstikê de nêçîra wê dike. Şirketa AAAPPDev lîstika xwe ya bi navê "YPG Shoot Terrorists" wiha dide danasîn: "Alîkariya şervanên YPG/YPJ‘ê bike ku ala Kurdistanê bide hev û pê re jî  li terorîstan bixe.  YPG ligel pêşmergeyan parêzvanên jin, zarok û sivîlên din in. Parêzvanê zarokan ê ji hejariyê û alîkarê hemû zarokan li seranserî Kurdistanê. Atmosfereke tekane ya lîstikê bi alên YPG û YPJ´ê. Tanzêre ku dixireke û pêl li dijberan dike."

Lîstika navderbasbûyî ji bo kesên temenên wan 16 salî û pê de hatiye amadekirin. Her wiha AAAPPDev ji bilî vê lîstikê, hinek lîstikên din jî li ser şerê kurdan ên li dijî DAIŞ´ê deranîne û ew jî dikarin ji bo telefonên bi pergala Android ji Google Play werin daxistin. Navên lîstikên din; "Peshmerga Shoot Terrorists", "Peshmerga Runner", "Smash ISIS" û "Anti IS Coalition".