Diyarname
Hunermend Seher Dilovan albuma xwe ya nû derxist. Di albumê de Dilovan 4 stranên bi kurdî jî xwendine.

Dilovan piştî  navbereke 3 salan, albuma xwe ya nû bi navê "Dokunma Keyfine Yalan Dunyanin" (Dest nede kêfa dinyaya derewîn) derxist. Di albuma ku ji Dilovan Muzîk derketiye de ji stranan 4 jê bi kurdî ne.

Strana bi kurdî  ‘Dayê weleh nabe’ ku jê re bingeheke xurt hatiye amade kirine rengekî cuda daye albumê.  Her wiha ji herêma Serhedê 3 stranên çepkî li beramberî muzîkekeke sibikî li pey hev hatiye rêz kirin.

Strana bi tirkî ku navê wê li albumê jî kirine strana hunermendê navdar Aşiq Mahsunî Şerîf e.

Hunermend Dilovan kliba xwe ya yekemîn ji bo straneke herema Enqereyê "Ayvaci" kişandiye û li gor agahiyên ku gihîştine ber destê me ewê di pêşerojê de ji bo stranên xwe yên bi kurdî re jî klîban bikişîne.

Berhem piranî ji stranên li ser xemginiya dayikan, nakokiyên civakî û beşek jî ji  sitranên xerîbî û evînê pêk tê.
    

Seher Dilovan kê ye?

Hunermend Seher Dilovan ji Dersimê ye, lê  li paytexta Tirkiyeyê li Enqereyê hatiye dinê.  Piranî bi zimanê tirki distirê. Berî ku dest bi stranbêjiyê bikê, di zanîngehê de beşa dîrokê xwendiye.
Wê heta niha 10 album derxistine. Di salên 1996 û 2003'yan de du caran li Tirkiyeyê wekî hunermenda Herî Serketî ya Salê, hêjayî xelatê hatiye dîtin. Dilovan zewiciye û dayika du zarokan e.