Diyarname

Mamoste Marûf ku gelek ked dabû kurdî û xebatên wî çêbûbûn canê xwe ji dest da. Cenazeyê wî îro li Çengelkoya Stenbola Tirkiyeyê hat definkirin.

Mamoste Marûf bi nasnameyê xwe yê fermî "Marîf Korkmaz" di 4'ê gulana 1961'ê de li Tekmana Erzeromê hatibû dinê. Hê di zarokatiya xwe de malbata wî bar dike metropolên Tirkiyeyê. Ew piştî xwendina xwe dibe mamosteyê fransî. Yekem karê wî yê mamostetî li Sasonê ye. Di sala 1987'an de ew diçe Sasona Batmanê û dest bi mamostetî dike.

Mamoste Marûf di van deman de xebatên xwe yên welatparêziyê didomîne. Loma jî dema li Sasonê ye di destpêka salên 90'î de wekî gelek êrîşên wê demê, Hîzbûllahî êrîşê wî jî dikin û ew bi giranî birîndar dibe; ji mirinê difilite.

Mamoste Marûf li dibistanên Tirkiyeyê mamostetî dikir. Demek li dibistanên gayrîmusliman jî mamostetî dikir û cîgiriya midûr jî.

Mamoste Marûf jiyana xwe di nav têkoşîna welatparêziyê de borand. Ji Egîtîm-Senê heta HDP (û partiyên berî HDP'ê) de di gelek saziyan de kar kir. Wî bi kurdî jî dinivîsî. Di Azadiya Welat, kovara Zend de nivîsên wî hatin weşandin. Li aliyê din blogeke wî bi navê "mamostemaruf" hebû û nivîsên xwe di wir de belav dikir.

Mamoste Marûf di sala 2019'an de bi pençeşêra pişikê ket. Du caran hat emeliyet kirin, lê dûre pençeşêrê avêt mejiyê. Lê mixabin nikarîn rizgar bikin û wefat kir. Cenazeyê wî îro li goristana Çengelkoya Stenbolê hat definkirin.