Diyarname
Şaredariya Bajarê Mezin a Amedê heta niha gelek proje amade kirin û tevî jiyana amediyan kir. Projeya Matra ku ev 3 sal in didome li Fûara Pirtûkan a Amedê hate nasandin.

Şaredariya Bajarê Mezin a Amedê "Projeya Matra" ku digel hevkariya Enstîtuya Berlage ya Hollanda, Enstîtuya Avahî û Peşketina Bajêr a Roterdamê ev sê sal in didomîne, di bin sernavê "Bicihkirina Yên ji Cihên Xwe Bûne: Li Amedê Xizmeta Avahiyên Civakî ya Şaredariyeke Nû" da nasandin.

Di nav projeyê de çêkirina avahiyên li Nav Sûrê ya Amedê û Gara Trênê ya Amedê heye. Ji bo der barê projeyê de agahî bide gel, li 3'yemîn Fûara Pirtûkan a Amedê stand hate vekirin û roja 26'ê mehê di çarçoveya projeyê de tiştên hatine kirin, hatin nasandin.
Şaredarê Bajarê Mezin ê Amedê Osman Baydemîr, şaredarên navçeyên navendî, moxtarên taxan, nûnerên rêxistinên pîşeyî yên bajêr û nûnerên saziyên sivîl beşdarî xebata nasandinê bûn.

Şaredarê Bajarê Mezin ê Amedê Osman Baydemir got ku li ser me wekî deynekê ye ku em berhema 8 hezar salan a bajêr ku heta îro hatiye ragihînin pêşerojê.
Baydemir diyar kir ku ew dikin nava Sûran a Amedê bigihînin Newala Dîcleyê û di vî warî de gelek pêşde çûne û wiha got: "Bêşik di avakirina bajarê me de mirovahî pêdivî pê dîtiye ku xwe di nav ewlehiyê de hîs bike. Sûrên Amedê ne tenê kiriye ku 8 hezar salan Amedê biparêze. Di heman demê de di travmaya 20-30 salan de sûran dîsa bawerî daye mirovên me. Yên ku ji gundên xwe, warên xwe hatine qewirandin careke din pişta xwe dan sûran. Û Sûrên Amedê careke din ji bo wan bûn parastgeh. Lê peywira me hemûyan ew e ku em van sûran biparêzin û emanetê nişfên pêşerojê bikin."

Di çarçoveya projeyê de parastina sûran, Gara Amedê ku navendeke ji bo Yenîşehîr û Baglarê, dîsa parastina Newala Dîcle heye.

Vê projeyê mafê pêşkêşkirina di Bîenala Mîmarî ya Roterdamê ya Navneteweyî de jî bi dest xist ku ev Bîenal dê di gelawêja 2012'yan de li dar bikeve.