Diyarname

Ji rojeva îro ya dinyayê çend nûçeyên ku derketine pêş me dan hev. Kerem bikin...

NY: 2022'yan de dê pêdiviya zêdetir însan bi alîkarî hebe

Neteweyên Yekbûyî (NY) ji bo sala bê bangek cuda kir û got: Di sala 2022'yan de di warê pêdiviya mirovî ya alîkariyê dê daxwazeke bilindtir hebe.

NY'yê bal kişand ser Covid-19, guherîna kişwerê û pevçûnan û diyar kir ku ji ber van sala bê dê zêdetir mirov mihtacê alîkariyê bin. Li gor raporê hejmara kesên mihtacê alîkariyê li gor îsla dê sedî 17 zêdetir bibe.

FARC miyanê lîsteya terorî ra vet

FARC (Hêzê Çekdar ê Şoreşgerî ê Kolombiya) 5 serî verî fek şerê çekdarî ra vera dabî û peymaney aştî îmza kerd bî. Sere ene joy, enka Dewleta Yewbiyî ay Amerîka (DYA) a miyanê 'lîsteya terorî' ra vet.

43 salan bê sebeb raza

Li DYA'yê kesekî bi navê Kevin Strickland li bajarê Kansasê 43 sal berê hat girtin. Şahidan îdîa dikir ku wî 3 kes kuştine, loma jî dadgehê cezayê hepsê ya muebetê lê birîn. Lê hefteyeke berê, roja 24'yê meha borî mesûmiya wî hat qebûlkirin û ew hat berdan. Yanê, 43 salan bê sebeb raza. Li ser vê yekê li DYA'yê ji bo wî kampanyaya alîkariya pereyan hat destpê kirin û di hefteyek de 1,5 mîlyon dolar hat komkirin.

Seroka IMF'ê: Sala bê hin aborî dê têk herin

Seroka Fona Pereyan a Navneteweyî (IMF) Kristalina Georgieva got ku sala bê dê gelek welat bi "qeyrana dijwar a borî' re rû bi rû bimînin û aboriya gelek welatan dê têk here. Georgieva wisa got; "Sedî 60'ê welatên ku dahata wan kêm e di bin rîskeke mezin an jî di bin deynên dijwar dene. Kredîtorên G20 ger lez nedin jinûve sazkirina deynan dê li gelek welatan têkçûn çêbibe."