Diyarname

Heta niha hin lîstikên şanoyê yên bi kurdî hatibûn qedexekirin niha yeke din jî li wan hat zêdekirin: "Dawiya Dawî". Qeymeqamiya Fatiha Stenbolê lîstika lîstikê li nava sînorên navçeya xwe qedexe kir. Lê lîstik li Navçeya HDP'ya Bagcilarê hat lîstin.

"Dawiya Dawî" stand-upek e û ji aliyê Kemal Gokhan Gurses ve hatiye nivîsandin. Lîstikvanê Şanoya Bajêr a Amedê Ozcan Ateş têde dilîze. Û niha destûr nedan ku ev lîstik li Fatiha Stenbolê bê lîstin.

Meclisa Ciwanan a HDP'ya Stenbolê di çarçoveya kampanyaya ji bo ciwanan de lîstik jî xistibûn bernameyê û lîstik gere li "Su Gosteri Merkezî Sahnesî" ku li Fatiha Stenbolê ye bihata lîstin. Lê Qeymeqamiya Fatîhê lîstik qedexe kir. Ya balkêş heman lîstik berê jî li heman cihî hatibû lîstin û tu pirsgirêk derneketibû.

Rayedarê Su Gosteri Sanatlari Sahnesi Ayhan Uslu gotiye ku qeymeqamiyê ji bo qedexeyê tu sedem nîşan nedaye.

Ciwanên HDP'ya Stenbolê piştî vê qedexeyê biryar dan ku lîstikê li avahiya HDP'ê ya Bagcilara Stenbolê derxin pêşberî ciwanan. Û êvara 15'ê mehê li salona HDP'ya Bagcilara Stenbolê lîstik hat lîstin.

Berî vê, lîstika Teatra Jiyana Nû ya Navenda Çanda Mezopotamyayê "Bêrî" li Stenbolê û Rihayê hatibû qedexekirin.

**

Nûçeyên eleqedar:

- Qedexeya lîstika şanoyê "li gor zagonê" ye! 

- Baroya Rihayê: Ji bo 'Bêrû'yê emê dozê vekin 

- Lîstika bi kurdî 'Bêrû' li Rihayê jî hat qedexe kirin 

- Îmamoglu û şanoger dijî qedexeyê derketin 

- Bertekên ji bo qedexeya li ser şanoya kurdî 

- Lîstika bi kurdî 'Bêrû' hate qedexe kirin

- Şanoyên Bajêr ên Stenbolê yekem car cih da şanoyeke bi kurdî

- 'Bêrû' li Moskovayê bi Xelata Mezin hat xelatkirin 

- Dario Fo li Berlînê bi kurdî deng kir

- Di du saliya xwe de BÊRÛ  

 ***

MAIL: diyarname@diyarname.com