Diyarname

Pêşangeha hunermend Ahmet Guneştekîn a bi navê "Jûra Bîrê" bi mêvandariya DTSO'yê (Odeya Bazirganî û Sanayî ya Amedê) li Amedê li Birca Bizinê vedibe. Pêşangeha ku 16'ê mehê wê vebe, heta roja dawî ya salê dê vekirî be.

Hunermend Guneştekîn çend sal berê dest bi projeya "Jûra Bîrê" kiribû. Ev proje wekî pêşangeh pêşî li Stenbolê vekiribû û niha li Amedê vedike. Lê ji ya Stenbolê cudatir gelek tablo û xebatên nû li vê pêşangehê kirine.

Ew di xebateke de balê dikişîne ser kesên wekî "kiryar nediyar" hatine windakirin û navên gelek kesên winda dixebatê de bi cih kirine.

Guneştekîn di vê pêşangehê de bi sembolan tiştên hatine ji bîr kirin, yan hin dixwazin ji bîr bikin ji nû ve bibîr tîne, 'bîr'ek saz dike, bibîr dixe. Loma jî navê pêşangehê "Jûra Bîrê" ye. Gelek tablo û xebatên nû yên Guneştekîn dê du mehan li Amedê li benda temaşevanan bin.

Pêşangeha ku ji ber pandemiyê ev çend car bû hatibû bi paş ve xistin vê carê li dar dikeve. 

Hunermend Guneştekîn di tabloyê de navên kesên hatine windakirin bi cih kirin.

Hunermend Guneştekin herî dawî hefteya borî li Stenbolê li 16'emîn Contemporary İstanbulê (Cİ) li pêşbarî hezkiriyên xwe bû, niha jî li Amedê ye.

***

MAIL: diyarname@diyarname.com