Diyarname

Nivîskar Mehmet Oncu vê carê ji fablên kurdê destaneke nivîsand û pirtûk bi navê "Destana Şêr û Pisîkê" ji MED-DER'ê derket.

Nivîskar Mehmet Oncu heta niha li ser folklora kurdî, dîsa li ser gotinên pêşiyan xebatên wî hene û ew hatine çapkirin. Ji fablên kurdî pirtûkek wî bi navê "Kulîlk û Şikevlatû" ji Weşanên Sîtavê derketibû. Oncu ji van fablan sûde wergirtiye û destaneke ji bo zarokan amade kiriye. Wî ji fablên kurdî 39 heb hilbijartine û ew bi şiklê destanî rêstine û di encamê de pirtûka bi navê "Destana Şêr û Pisîkê" derketiye holê. Pirtûka ku ji bo zarokan hatiye amadekirin ji nav weşanên komaleya Med-Derê derketiye.

Va ne ji destanê çend çarîn:

Pisik hat mal ku meyr e,

Got; ji Xwedê re xêyr e,

Xwarinek têre-têr e,

Ji pisikan re’b kêr e…

Pisikê got delalê,

Ez hatim ji newalê,

Min îro neçîr nekir,

Mam birçî û bêhalê…

Kebanî kete pê wê,

Bi şomok û şekalê,

Got; de here mirdarê,

Bi mişkan re hevalê…

Pisik di xênî firî,

Qet li paş xwe nenêrî,

Li kewaniyê xeydî, 

Bazda heta dikarî…

- Destana Şêr û Pisîkê / Mehmet Oncu / Med-Der / 2021 / Destan

***

Ji bo kanala Youtubê ya Diyarnameyê:   

YOUTUBE: www.youtube.com/diyarnamediyarname 
MALPER: www.diyarname.com
TWITTER: twitter.com/diyarname1
FACEBOOK: facebook.com/diyarname

MAIL: diyarname@diyarname.com